Salmow 7:6 - An Bibel Kernewek 20234 (Kernewek Kemmyn)

⁶ Sav, A Arloedh, y'th sorr; omdhrehav erbynn koler ow eskerens; ha difun, A Dhuw, y'n gwirvreus a worhemmynnsys.

An Sowter 1997 2023

⁶ Sav, A Arloedh, y'th sorr; omdhrehav erbynn koler ow eskerens : ha difun, A Dhuw, y'n gwirvreus a worhemmynnsys.

Salmow 7:6 Iomraidhean Croise

2 Samuel 17:14

Hag Absalom hag oll gwer Ysrael a leveris, ‘Kusul Hushay an Arkyas yw gwell ages kusul Ahithofel.’ Rag an Arloedh re worhemmynnsa dhe lesta kusul dha Ahithofel, may halla an Arloedh dri drog war Absalom.

Salmow 103:6

An Arloedh a wra ewnder ha gwirvreus dhe seul yw arweskys.

Salmow 12:5

‘Drefenn an voghosogyon dhe vos ravnys, drefenn kynvann an edhommogyon, lemmyn my a sev’, yn-medh an Arloedh; ‘my a'n gorr y'n sawder a yeun ev.’

Salmow 138:7

Kyn kerdhav yn kres anken, ty a with ow bewnans; ty a ystynn dha leuv erbynn sorr ow eskerens, ha'th leuv dhyghow a'm saw.

Salmow 143:3

Rag an eskar re helghyas ow enev; ev re skwattyas ow bewnans dhe'n leur, ev re wrug dhymm triga yn tewlder, kepar ha'n re yw marow seuladhydh.

Salmow 3:7

Sav, A Arloedh; salw vy, ow Duw! Rag ty re weskis oll ow eskerens war an challa; ty re dorras dyns an debeles.

Salmow 35:1

Striv, A Arloedh, gans an re a striv genev; omladh erbynn an re a omladh er ow fynn.

Salmow 35:23

Sav, ha difun rag ow gwirvreus, rag pledya ow hen, ow Duw ha'm Arloedh.

Salmow 44:23

Difun, prag y koskydh, A Arloedh? Sav, na skon ni bynitha.

Salmow 44:26

Sav, ha gweres dhyn ni; ha daspren ni a-barth dha dregeredh.

Salmow 59:5

Ha ty, A Arloedh, Duw an luyow, Duw Ysrael, difun dhe wul vri a'n kenedhlow oll; na vydh grassyes orth an fals dhrogoberoryon. Sela.

Salmow 73:20

Avel hunros pan dhifun den; A Arloedh, pan dhifunydh jy, ty a dhispres aga imajys tremenadow.

Salmow 74:3

Treyl dha gammow troha'n magoryow nevra a bes; an sherewneth oll re wrug an eskar y'n sentri.

Salmow 78:65

Ytho an Arloedh a dhifunas avel onan ow sevel yn-mes a gosk, kepar ha breselyas ow karma wosa gwin.

Ysay 3:13

An Arloedh re gemmeras y le dhe bledya y gen, ha sevel dhe vreusi poblow.

Ysay 33:10

‘Lemmyn my a sev’, yn-medh an Arloedh, ‘lemmyn my a vydh ughelhes, lemmyn my a vydh eksaltys.

Ysay 37:20

Lemmyn, A Arloedh agan Duw, saw ni yn-mes a'y leuv, may hwodhvo oll gwlaskordhow an norvys, ty dha honan dhe vos an Arloedh.’

Ysay 51:9

Difun, difun, omwisk yn nerth, A vregh an Arloedh. Difun kepar hag y'n dydhyow koth, henedhow an termyn pell, A ny veu ty hag a droghas Rahab yn temmigow, hag a wanas an dhragon?