Salmow 6:8 - An Bibel Kernewek 20234 (Kernewek Kemmyn)

⁸ Diberthewgh dhiworthiv, hwi dhrogoberoryon oll; rag an Arloedh re glewas lev ow oelva.

An Sowter 1997 2023

⁸ Diberthewgh dhiworthiv, hwi dhrogoberoryon oll : rag an Arloedh re glewas lev ow oelva.

Salmow 6:8 Iomraidhean Croise

Job 17:7

Ow lagas re dheuth ha bos gwann drefenn duwon, ha kepar ha skeus yw oll ow eseli.

Salmow 116:8

Rag ty re dhelivras ow enev dhiworth ankow, ow dewlagas dhiworth dagrow, ha'm treys dhiworth koedha.

Salmow 119:115

Kewgh a-dhiworthiv, hwi dhrogoberoryon, rag may hwitthiv gorhemmynnow ow Duw.

Salmow 139:19

Unnweyth mar kwrelles ladha an tebelwas, A Dhuw! Omdennewgh dhiworthiv ytho, hwi dus woesek.

Salmow 145:18

Yma an Arloedh ogas dhe bubonan a elow warnodho, dhe bubonan a elow warnodho yn gwiryonedh.

Salmow 3:4

My a elwis war an Arloedh gans ow lev, hag ev a worthybis dhymm mes a'y venydh sans. Sela.

Salmow 31:10

Rag ow bewnans yw difygys gans keudh, ha'm blydhynyow gans kynvann; ow nerth a fyll drefenn ow drogober, ha'm eskern a wedher.

Salmow 56:8

Ty re verkyas ow gwandrans; gorr ow dagrow y'th votell. A nyns yns i skrifys y'th lyver?

Ysay 30:19

Ytho an bobel yn Sion, trigys yn Yerusalem, ny oel namoy. Ev a gemmer truedh ahanas orth son dha gri; kettell y'n klew, ev a'th worthyp.

Ysay 38:3

ha leverel, ‘A Arloedh, porth kov, my a'th pys, fatell esen ow kerdhes a-ragos yn gwiryonedh hag a leun golonn, ha my re wrug an pyth yw da y'th wolok.’ Ha Hezekia a oelas yn hwerow.

Ysay 38:5

‘Ke ha lavar dhe Hezekia, Yndellma y lever an Arloedh, Duw Davydh dha das: My re glewas dha bysadow, my re welas dha dhagrow; awottavy ow keworra dhe'th tydhyow pymthek blydhen.

Kynvannow 3:56

Klewes ow lev a wrussys, ‘Na dhege dha skovarn dhiworth ow hanasenn, dhiworth ow kri.’

Matthew 25:41

‘Ena y hwra ev leverel ynwedh dhe'n re a'n barth kledh, “Kewgh a-dhiworthiv, hwi dus villiges, dhe'n tan heb diwedh yw darbarys dhe'n jowl ha'y eledh.

Matthew 7:23

Hag ena my a dheklar dhedha, “Bythkweth ny'gas aswonnis; diberthewgh dhiworthiv, hwi dhrogoberoryon!”

Luk 13:27

Hag ev a lever dhywgh, “Ny'gas aswonnav, a-ble owgh; diberthewgh dhiworthiv, hwi dhrogoberoryon oll!”

Ebrowyon 5:7

Yn dydhyow y gig, Yesu a brofyas pysadow ha govynnadow, gans kriow ughel ha dagrow, dhe neb a ylli y dhelivra dhiworth mernans hag ev a veu klewys drefenn y own a Dhuw.