Salmow 6:2 - An Bibel Kernewek 20234 (Kernewek Kemmyn)

² Bydh grassyes orthiv, A Arloedh, rag difredh ov vy; yaghha vy, A Arloedh, rag ow eskern yw troblys.

An Sowter 1997 2023

² Bydh grassyes orthiv, A Arloedh, rag difredh ov vy : yaghha vy, A Arloedh, rag ow eskern yw troblys.

Salmow 6:2 Iomraidhean Croise

Jenesis 20:17

Ytho Abraham a bysis war Dhuw ha Duw a sawyas Abimelek ha'y wreg ha'y vaghtethyon, hag i a dhineythis fleghes.

Job 19:21

Kemmerewgh pita orthiv, kemmerewgh pita orthiv, hwi ow howetha; rag leuv Duw re'm tochyas.

Job 5:18

Rag ev a woli, hag ev a lystenn; ev a wysk, ha'y dhiwleuv a saw.

Salmow 22:14

Skoellys ov vy avel dowr, ha'm eskern oll yw diskevelsys, ow holonn yw kepar ha koer; teudhys yw yn mysk ow holodhyon.

Salmow 30:2

A Arloedh ow Duw, my a grias warnas, ha ty re'm yaghhas.

Salmow 31:10

Rag ow bewnans yw difygys gans keudh, ha'm blydhynyow gans kynvann; ow nerth a fyll drefenn ow drogober, ha'm eskern a wedher.

Salmow 32:3

Pan dewis vy heb aswonn ow feghes, ow eskern a wedhras, ha my owth hanasa oll an jydh.

Salmow 38:2

Rag dha sethow re'm dewanas, ha'th leuv re dheuth yn-nans warnav.

Salmow 38:3

Nyns eus yeghes y'm kig drefenn dha sorr; ha nyns eus kres y'm eskern drefenn ow feghes.

Salmow 38:7

Rag ow diwglun yw leun a gleves kasadow, ha nyns eus yeghes y'm kig.

Salmow 51:8

Gwra dhymm klewes lowena ha heudhder, may lowenhaho an eskern a vrewsys.

Eksodus 15:26

ow leverel, ‘Mar mynnowgh goslowes yn tiwysyk orth lev an Arloedh agas Duw, ha gul an pyth yw ewn yn y dhewlagas, ha koela orth y worhemmynnow ha gwitha oll y ordenansow, ny worrav warnowgh nagonan a'n klevesow a worris war an Ejyptianys; rag my yw an Arloedh agas sawyer.’

Yeremia 10:24

A Arloedh, gwra ow heredhi, mes gans breus; Na'n gwra yn dha sorr, ma na'm drylli dhe dravyth.

Yeremia 17:14

Yaghha vy, A Arloedh, ha my a vydh yaghhes; salw vy ha my a vydh selwys: rag ty yw ow gormel.

Hosea 6:1

Dewgh, dehwelyn dhe'n Arloedh: rag ev re skwardyas, hag a wra agan sawya; ev re weskis, hag a wra agan lystenna.

Niverow 12:13

Ha Moyses a grias war an Arloedh, ‘Gwra hy sawya, a Dhuw, my a'th pys.’

Matthew 4:24

ha'n son anodho a omlesas dres oll Syria, hag i a dhros dhodho oll an dus plagys gans lies eghenn a glevesow ha tormentys, ha'n re dalghennys gans dywolow, ha'n loerogyon ha'n balsyon, hag ev a's sawyas.

Dewteronomi 32:39

Gwelewgh lemmyn, my, my yw ev, ha nyns eus duw marnas vy. My a ladh, ha my a vewha; my a vrew ha my a yaghha, ha nyns eus nagonan a yll delivra dhiworth ow leuv.