Salmow 6:10 - An Bibel Kernewek 20234 (Kernewek Kemmyn)

¹⁰ Oll ow eskerens a berth meth hag a vydh euthegys; i a dreyl war-dhelergh, hag a berth meth yn tromm.

An Sowter 1997 2023

¹⁰ Oll ow eskerens a berth meth hag a vydh euthegys : i a dreyl war-dhelergh hag a berth meth yn tromm.

Salmow 6:10 Iomraidhean Croise

2 Myghternedh 20:5

‘Treyl arta, ha leverel dhe Hezekia, rewler ow fobel, Yndella a lever an Arloedh, Duw dha das Davydh: My re glewas dha bysadow, my re welas dha dhagrow; otta, my a wra dha yaghhe; y'n tressa dydh ty a wra mos yn-bann dhe ji an Arloedh.

Job 6:29

Treylyewgh, my a'gas pys, na vedhes kammhynseth gwrys. Dasprederewgh lemmyn, mater a'm glander yw.

Salmow 112:10

An tebelwas a'n wel, hag yw serrys; ev a skrynk ha teudhi dhe-ves; mynnas an debeles a dhe goll.

Salmow 132:18

Y eskerens my a wisk gans meth, mes warnodho y fydh y gurun ow splanna.’

Salmow 2:5

Ena ev a gews orta yn y sorr, ha'ga broweghi yn y gonnar:

Salmow 25:3

Sur na berthes meth an re a drest ynnos jy; perthes meth an re a wra falsuri heb ken.

Salmow 35:26

Perthens i meth ha bedhens i shyndys war-barth neb a lowenha y'm happ drog; bedhens i gwiskys yn meth ha despit neb a voghha aga honan er ow fynn.

Salmow 5:10

Gwra dhedha perthi kessydhyans aga fegh, A Dhuw; koedhens i der aga husulyow aga honan; towl i dhe-ves herwydh aga lies treuspass; rag i re sevis er dha bynn.

Salmow 55:20

Ev re worras y leuv erbynn an re usi yn kres ganso; ev re dorras y gevambos.

Salmow 7:6

Sav, A Arloedh, y'th sorr; omdhrehav erbynn koler ow eskerens; ha difun, A Dhuw, y'n gwirvreus a worhemmynnsys.

Salmow 71:13

Perthens i meth ha mos dhe goll, neb yw eskerens ow enev; bedhens i kudhys gans mewl ha disenor, neb a hwila ow fystik.

Salmow 71:24

Ha'm taves a gews a'th ewnder oll an jydh, rag i a berth meth, yth yns i shyndys, neb a hwila ow fystik.

Salmow 73:19

Fatell ons i distruys yn unn lamm, skubys glan dhe-ves gans browaghow!

Salmow 86:17

Diskwa dhymm tokyn a'th tader, ma'n gwello an re a'm kas, ha perthi meth, rag ty, A Arloedh, re weresas dhymm, ha'm hebaskhe.

Lavarow Koth 29:1

Gour neb yw keredhys fest yn fenowgh, hag a bes kales y gilbenn, a vydh brewys distowgh, ha ny vydh eli.

Ysay 26:11

A Arloedh, drehevys yw dha leuv, mes ny's gwelons. Gwelens i dha avi rag dha bobel ha perthi meth; gas dhe'n tan gwithys rag dha eskerens aga devorya.

Yeremia 20:11

Mes yma an Arloedh genev avel kasor fell; ytho ow helghysi a drebuch, ha ny wrons fetha; i a's tevydh meth meur, rag ny sewenons: ny vydh ankevys aga disenor bys vykken.

Malaki 3:18

Hag arta hwi a wra dissernya ynter an den gwiryon ha'n tebelwas, ynter an den a serv Duw ha neb na'n serv.

1 Thessalonianys 5:3

Tus pan leverons, ‘Yma kres ha diogeledh’, ena diswrians tromm a dheu warnedha kepar ha gloes dineythyans dhe venyn gans flogh, ha ny wrons diank mann.