Salmow 57:1 - An Bibel Kernewek 20234 (Kernewek Kemmyn)

¹ Bydh grassyes orthiv, A Dhuw, bydh grassyes orthiv, rag ow enev a hwila skovva ynnos; hag yn-dann skeus dha eskelli y fydh ow skovva, erna vo an droglammow ma tremenys.

An Sowter 1997 2023

¹ Bydh grassyes orthiv, A Dhuw, bydh grassyes orthiv, rag ow enev a hwila skovva ynnos jy : hag yn-dann skeus dha eskelli y fydh ow skovva, erna vo an droglammow ma tremenys.

Salmow 57:1 Iomraidhean Croise

Salmow 125:1

An re a fydh y'n Arloedh yw avel menydh Sion, na yll bos disevys, mes ev a dhur bys vykken.

Salmow 13:5

Mes my re drestyas y'th tregeredh; ow holonn a lowenha y'th selwyans.

Salmow 142:1

My a gri war an Arloedh gans ow lev, gans ow lev devri y hwrav ow govynnadow dhe'n Arloedh.

Salmow 2:12

Ymmewgh dhe'n mab, ma na vo serrys, ha na yllowgh dhe goll y'n fordh; rag y sorr a flamm yn skon. Gwynnvys oll an re a hwila skovva ynno ev.

Salmow 36:7

Ass yw drudh dha dregeredh, A Dhuw! Mebyon den a hwila skovva yn-dann skeus dha eskelli.

Salmow 56:1

Bydh grassyes orthiv, A Dhuw, rag den a vynn ow helghya; oll an jydh ev a omladh, orth ow gwaska.

Salmow 58:1

A leverowgh hwi gwirvreus yn hwir? A vreusowgh yn ewnder, hwi vebyon den?

Salmow 59:1

Gwra ow delivra dhiworth ow eskerens, A Dhuw; gwith vy rag an re a sev er ow fynn.

Salmow 61:4

My a drig y'th tylda bynitha; my a hwila skovva yn kudhans dha eskelli. Sela.

Salmow 63:7

Rag ty re beu ow gweres, hag yn skeus dha eskelli y kanav gormola.

Salmow 75:1

Ni a woer gras dhis, A Dhuw, ni a woer gras; ogas yw dha hanow. Tus a dheriv dha varthusyon.

Salmow 9:10

Ha'n re a aswonn dha hanow a drest ynnos, rag ty, A Arloedh, ny forsaksys seul a'th hwila.

Salmow 91:1

Seul a drig yn skovva an Ughella a bowes yn-dann woskes an Ollgalloesek.

Salmow 91:4

Ev a'th kudh gans y bluv, hag yn-dann y eskelli y hwilydh skovva; y wirder yw dha skoes ha'th vokler.

Salmow 91:9

Rag ty re wrug an Arloedh dha skovva, ty re worras an Ughella avel dha drigva,

Ysay 10:25

Yn pols pur vyghan sorrvann er agas pynn a worfenn, ha'm sorr a dreyl dh'aga distruyans i.

Ysay 26:20

Ke ow fobel, enter dhe'th chambour ha dege dha dharas a-dryv dhis; omgudh prysweyth bys pan dremen sorrvann.

Ysay 50:10

Piw yn aga mysk a berth own a'n Arloedh hag yw gostydh dhe lev y was? Ev neb a gerdh yn tewlder, neb na'n jeves golow, byttegyns ev a drest yn hanow an Arloedh, ha poesa war y Dhuw.

Matthew 24:22

Ha mar ny ve an dydhyow na gwrys kott, ny via kig vyth selwys; mes rag an re dhewisys an dydhyow na a vydh gwrys kott.

Luk 13:34

Yerusalem, Yerusalem, neb a ladh an brofoesi ha labydha an re yw dannvenys dhis, peskweyth y yeunis vy kuntell dha fleghes war-barth kepar dell guntell yar hy yerigow yn-dann hy eskelli, ha ny vynnsowgh!

Yowann 16:20

Yn hwir, yn hwir y lavarav dhywgh, hwi dhe oela ha dhe gyni, mes an bys a lowenha. Mes hwi a vydh trist, mes agas tristyns a dreyl dhe lowena.

Dewteronomi 9:26

Ena my a bysis war an Arloedh ha leverel, ‘Arloedh Duw, na gowldhistru dha bobel ha'th eretons a dhasprensys y'th veuredh, neb a dhresys yn-mes a Ejyp dre leuv grev.

Diskwedhyans 21:4

Hag ev a sygh pub dagrenn dhiworth aga dewlagas, ha ny vydh ankow namoy, na ny vydh keudh, nag oela, nag anken namoy, rag bos an kynsa taklow tremenys.’

Diskwedhyans 7:14

Ha my a leveris dhodho, ‘Ow arloedh, ty a woer.’ Hag yn-medh ev dhymm, ‘An re ma yw neb a dheuth yn-mes a anken meur, ha re wolghas aga fowsyow ha'ga gwynnhe yn goes an Oen.

Ruth 2:12

Re wrello an Arloedh attyli dha ober, ha kowal re bo dha bewas dhiworth an Arloedh, Duw Ysrael, may hwrussys dos yn-dann y eskelli dhe gavoes skovva.’

1 Samuel 22:1

Davydh eth alena ha diank dhe gav Adullam; ha pan glewas y vreder hag oll chi y das a-dro dhodho, i eth yn-nans bys di dhodho.

1 Samuel 24:3

Ev a dheuth dhe gorlannow an deves ryb an fordh, mayth esa kav; ha Sowl eth a-bervedh dhe gudha y dhewdroes. Lemmyn yth esa Davydh ha'y wer owth esedha a-ji dhe dhowna rannow an kav.

1 Samuel 24:4

Gwer Davydh a leveris dhodho, ‘Otta an jydh may leveris an Arloedh dhis anodho, “My a dhelirv dha eskar a-berth y'th leuv, ha ty a wra dhodho kepar dell hevel da dhis.” ’ Ena Davydh eth ha treghi dhe-ves lostenn mantell Sowl yn-dann gel.

1 Samuel 24:8

Ena Davydh a sevis ha mos yn-mes a'n kav ha gelwel war-lergh Sowl, ow leverel, ‘Ow arloedh an myghtern.’ Ha pan dreylyas Sowl war-dhelergh, Davydh a blegyas gans y fas troha'n leur, ha plegya dhe'n dor.

1 Samuel 26:9

Mes yn-medh Davydh dhe Abishay, ‘Na wra y dhistrui, rag piw a yll ystynn y leuv erbynn untys an Arloedh, ha bos heb kessydhyans?’