Salmow 53:2 - An Bibel Kernewek 20234 (Kernewek Kemmyn)

² Duw a viras war-woeles dhiworth nev war vebyon den, dhe weles mars esa denvyth fur, ow hwilas Duw.

An Sowter 1997 2023

² Legrys yns, hag i re wrug sherewneth kasadow : nyns eus denvyth a wrello dader.

Salmow 53:2 Iomraidhean Croise

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

2 Kroniklys 15:2

Ev eth yn-mes rag metya gans Asa, hag a leveris dhodho, ‘Goslow orthiv, Asa hag oll Yuda ha Benyamin. Yma an Arloedh genowgh, ha hwi ganso. Mara's hwilowgh, ev a vydh kevys genowgh, mes mara's gesowgh, ev a'gas gas.

2 Kroniklys 19:3

Byttegyns neppyth a dhader yw kevys ynnos, rag ty re dhiswrug an Asheroth yn-mes a'n tir, ha re settyas dha golonn dhe hwilas Duw.’

Job 28:28

Hag ev a leveris dhe vab-den, “Otta, own an Arloedh – furneth yw henna; ha skonya drog yw konvedhes.” ’

Salmow 10:4

An tebelwas yn y valghder ny'n hwila; oll y dybyansow yw, ‘Nyns eus Duw.’

Salmow 102:19

rag ev re viras war-woeles dhiworth ughelder y sentri, dhiworth nev y hwelas an Arloedh an nor,

Salmow 11:4

Yma an Arloedh yn y dempel sans, yma se an Arloedh y'n nevow; y dhewlagas a vir, kreghyn y dhewlagas a brev mebyon den.

Salmow 111:10

Own an Arloedh yw an dalleth a furneth; yma skians da dhe oll an re a wra hemma; y wormola a dhur bys vykken.

Salmow 27:8

Ow holonn re leveris ahanas, ‘Hwila y fas.’ Dha fas, A Arloedh, a hwilav vy.

Ysay 55:6

Hwilewgh an Arloedh hedre vo dhe gavoes, gelwewgh warnodho hedre vo yn ogas;

Yeremia 16:17

Rag yma ow dewlagas war oll aga fordhow: nyns yns kudhys a'm golok, na nyns yw aga hammhynseth kudhys a'm dewlagas.

Yeremia 23:24

A yll gour omgudha yn tylleryow kudhys ma na'n gwelav? yn-medh an Arloedh. A ny wrav lenwel nev ha nor? yn-medh an Arloedh.

Dewteronomi 4:6

Gwaytyewgh dh'aga gul, rag hemm yw agas furneth ha'gas konvedhes a-wel dhe'n bobel neb a glew oll an ordenansow ma, ha neb a lever, ‘Yn hwir an genedhel vras ma yw pobel fur ha dhedhi konvedhes.’