Salmow 51:4 - An Bibel Kernewek 20234 (Kernewek Kemmyn)

⁴ Er dha bynn jy, ty dha honan, y peghis vy ha gul an drogober ma y'th wolok, rag may fes justifiys y'th lavar, ha divlam y'th vreus.

An Sowter 1997 2023

⁴ Er dha bynn jy, ty dha honan, y peghis vy ha gul an drogober ma y'th wolok : rag may fes justifiys y'th lavar, ha divlam y'th vreus.

Salmow 51:4 Iomraidhean Croise

Jenesis 20:6

Hag yn-medh Duw dhodho yn hunros, ‘My ynwedh a woer ty dhe wul hemma gans kolonn lan, rag my ow honan a'th withas orth pegha er ow fynn. Ytho ny wrug vy dha asa dh'y thochya.

Jenesis 38:7

Hag Er, kynsa-genys Yuda, a veu drog yn golok an Arloedh, ha'n Arloedh a'n ladhas.

Jenesis 39:9

Nyns eus denvyth brassa agesov vy y'n chi ma. Ny wrug ev gwitha travyth dhiworthiv marnas ty, drefenn ty dhe vos y wreg. Fatell wrav vy an drogober bras ma, ha pegha erbynn Duw?’

Jenesis 9:6

Piwpynag a skoellyo goes den, gans den y fydh y woes ev skoellyes. Rag yn imaj Duw ev a wrug mab-den.

2 Myghternedh 17:17

I a wre dh'aga mebyon ha myrghes tremena dre dan; i a dhevnydhya dewinieth ha pystri; hag i a omros aga honan dhe wul drog yn golok an Arloedh, orth y brovokya dhe sorr.

2 Myghternedh 21:6

Ev a wre dh'y vab tremena dre dan; ev a wre dewinieth ha pystri, ha dyghtya nygromons ha pystrioryon. Ev a wrug meur a dhrog yn golok an Arloedh, orth y brovokya dhe sorr.

Salmow 50:4

Ev a elow war an nevow a-vann ha war an nor, may freusso y bobel.

Salmow 50:6

Ha'n nevow a dheriv y ewnder, rag Duw y honan yw Breusyas. Sela.

Ysay 43:25

My, my yw ev neb a dhefend dhe-ves dha dreuspassow a'm govis ow honan, ha ny borthav kov a'th peghosow.

Levitikus 5:19

Offrynn kammweyth yw. Sur, kablus yw a-rag an Arloedh.

Luk 15:21

Y vab a leveris dhodho, “A Das, my re beghas erbynn nev hag a-dheragos; nyns ov wordhi na fella dhe vos gelwys dha vab.”

Luk 7:29

Hag oll an dus, hag ynwedh an dolloryon, pan glewsons hemma, a aswonnis ewnder Duw, hag i besydhys gans besydh Yowann.

Oberow 17:31

drefenn ev dhe settya dydh may hwra breusi an bys yn ewnder, dre wour neb re apoyntyas, ow profya mewgh dhe oll, orth y dhrehevel dhiworth an re varow.’

Romanyon 2:5

Mes dre dha golonn gales hag anedrek yth esos ow kreuni konnar ragos dha honan y'n jydh a gonnar may fo diskwedhys ynno breus gwiryon Duw.

Romanyon 3:4

Kammenn vyth! Bedhes Duw gwir kyn fo pub den fals, dell yw skrifys, ‘Rag may fi prevys ewn y'th heryow ha tryghi pan vi breusys.’

Jamys 2:11

Rag neb a leveris ‘Na wra avoutri’, a leveris ynwedh, ‘Na wra denladh.’ Mar ny wre'ta avoutri mes denladh a wre'ta, devedhys osta peghador erbynn an lagha.

Jamys 2:9

Mes mar plegyowgh dhe dremmynn neb den, pegh a wrewgh, ha dampnys owgh hwi gans an lagha avel peghadoryon.

Diskwedhyans 16:5

Ha my a glewas el an dowrow ow leverel, ‘Gwiryon osta jy, ty sans, neb yw, ha neb o, rag ty dhe vreusi an taklow ma.

Diskwedhyans 19:11

Ha my a welas nev igerys, hag otta, margh gwynn hag ev neb o esedhys warnodho o henwys Len ha Gwir, hag yn ewnder ev a vreus ha gwerrya.