Salmow 5:10 - An Bibel Kernewek 20234 (Kernewek Kemmyn)

¹⁰ Gwra dhedha perthi kessydhyans aga fegh, A Dhuw; koedhens i der aga husulyow aga honan; towl i dhe-ves herwydh aga lies treuspass; rag i re sevis er dha bynn.

An Sowter 1997 2023

¹⁰ Aga lonk yw logel igor : i a fekyl gans aga thaves.

Salmow 5:10 Iomraidhean Croise

2 Samuel 15:31

Lemmyn y feu derivys dhe Davydh bos Ahithofel yn mysk an vrasoryon gans Absalom. Ytho Davydh a leveris, ‘A Arloedh, my a'th pys, treyl kusul Ahithofel dhe follneth.’

2 Samuel 17:14

Hag Absalom hag oll gwer Ysrael a leveris, ‘Kusul Hushay an Arkyas yw gwell ages kusul Ahithofel.’ Rag an Arloedh re worhemmynnsa dhe lesta kusul dha Ahithofel, may halla an Arloedh dri drog war Absalom.

2 Samuel 17:23

Pan welas Ahithofel na veu y gusul holys, ev a dhibras y asen ha sevel ha mones dh'y ji, dh'y sita, hag ordena y vayni, hag omgregi ha merwel, hag ev a veu ynkleudhys yn bedh y das.

2 Kroniklys 25:16

Mes hag ev ow kewsel an myghtern a leveris dhodho, ‘A'th wrussyn kusulyador ryel? Hedh! Prag y tegoedh ty dhe vos ledhys?’ An profoes a hedhis, mes y leveris, ‘My a woer Duw dhe ervira dha dhistrui, drefenn ty dhe wul hemma ha drefenn na woslewsys orth ow husul.’

Ester 7:10

Ytho, i a grogas Haman war an wydhenn a bareussa ev rag Mordekay, hag yndella koselhes veu konnar an myghtern.

Salmow 10:15

Torr bregh an tebelwas ha'n drogoberer; hwither y sherewneth ma na vo kevys namoy.

Salmow 107:11

drefenn i dhe omsettya erbynn lavarow Duw, ha dispresya kusul an Ughella;

Salmow 17:13

Sav, A Arloedh, deus er y bynn, doro e dhe'n dor! Delirv ow enev dhiworth an tebelwas, dre dha gledha;

Salmow 31:18

Bedhes avlavar an gweusyow gowek, neb a lever erbynn an re wiryon yn howtyn, gans goeth ha despit.

Salmow 35:26

Perthens i meth ha bedhens i shyndys war-barth neb a lowenha y'm happ drog; bedhens i gwiskys yn meth ha despit neb a voghha aga honan er ow fynn.

Salmow 55:15

Des ankow warnedha, ha diyskynnens yn few dhe ifarn; rag yma sherewneth yn aga annedhow, hag yn aga mysk.

Salmow 66:7

Ev a rewl der y nerth bynitha; y dhewlagas a aspi an kenedhlow; na vedhes an re worth ughelhes.

Salmow 71:13

Perthens i meth ha mos dhe goll, neb yw eskerens ow enev; bedhens i kudhys gans mewl ha disenor, neb a hwila ow fystik.

Salmow 79:12

Daskorr seythplek dhe askra agan kentrevogyon rag an skorn ma'th skornsons jy, A Arloedh.

Ysay 1:2

Klew a nev, ha goslow a norvys; rag an Arloedh re gewsis: My a vagas mebyon ha'ga meythrin, mes i a rebellyas er ow fynn.

Ysay 1:20

mes mar skonyowgh ha rebellya, hwi a vydh dybrys gans an kledha; rag ganow an Arloedh re gewsis.

Ysay 63:10

Mes i a rebellyas ha grevya y Spyrys sans; rakhenna ev a dreylyas dhe vos eskar dhedha, hag ev y honan a vatalyas orta.

Kynvannow 1:5

Hy eskerens re dheuth ha bos penn, sewen yw hy envi, rag an Arloedh re's grevyas drefenn myns hy threuspassow; hy fleghes res eth yn kethneth a-rag an eskar.

Daniel 9:5

ni re beghas ha gul drog, ha gul kammweythres, ha rebellya, ow treylya dhiworth dha worhemmynnow ha'th vreusow.

Daniel 9:9

Dhe'n Arloedh agan Duw yma truedh ha gevyans; rag ni re rebellyas er y bynn,

Hosea 9:7

Dydhyow an kessydhyans re dheuth, dydhyow an dial re dheuth. Ysrael a'n godhvydh. An profoes yw boba, an gour spyrysel yw muskok, drefenn dha lies kammhynseth, ha'n kas meur.

1 Korinthianys 3:19

Rag skentoleth an bys ma yw follneth gans Duw. Rag skrifys yw, ‘Ev a vagel an dus skentel yn aga felder’,

Dewteronomi 2:30

Mes ny vynnas Sihon myghtern Heshbon agan gasa dhe dreusi, drefenn an Arloedh dha Dhuw dhe avleythi y spyrys ha kaleshe y golonn, rag ma'n rolla y'th leuv, avel an jydh ma.

1 Samuel 25:29

Mar sev yn-bann nebonan dhe'th helghya ha hwilas dha vewnans, bewnans ow arloedh a vydh maylys yn fardell an re vew gans an Arloedh dha Dhuw; mes bewnansow dha eskerens ev a dewl yn-mes, kepar ha dhiworth kew towlbrenn.

1 Samuel 25:39

Ha pan glewas Davydh bos Nabal marow, yn-medh ev, ‘Benniges re bo an Arloedh neb re ventenas ow hen rag an despit dhiworth leuv Nabal, hag ev re withas y was dhiworth drog; rag an Arloedh re dreylyas drogober Nabal war y benn y honan.’ Ena Davydh a dhannvonas ha kewsel gans Abigayl, dh'y hemmeres dhodho, dh'y hemmeres avel y wreg.