Salmow 42:9 - An Bibel Kernewek 20234 (Kernewek Kemmyn)

⁹ My a lever dhe Dhuw ow harrek, ‘Prag re'm ankevsys? Prag yth av vy ow kyni, ha'n eskar orth ow gwaska?’

An Sowter 1997 2023

⁹ Downder a elow dhe dhownder orth tros dha dhowrlammow : oll dha vordardh ha'th tonnow res eth dresov.

Salmow 42:9 Iomraidhean Croise

Salmow 13:1

Pygemmys prys A Arloedh? A wredh ow ankevi bynitha? Pygemmys prys y kudhydh dha fas dhiworthiv?

Salmow 18:2

an Arloedh yw ow harrek, ha'm kastell, ha'm delivrer; ow Duw, ow harrek krev may hwilav skovva ynno, ow skoes, ha korn ow selwyans, ow dinas.

Salmow 28:1

Warnas jy y halwav, A Arloedh; ow harrek, na vydh bodhar orthiv vy, ma na viv, mar tewydh, kepar ha'n re a dhiyskynn dhe'n pytt.

Salmow 38:6

Kromm ov vy ha plegys glan dhe'n dor; oll an jydh yth esov ow kyni.

Salmow 43:2

Rag ty yw Duw ow skovva, prag re'm skonsys? Prag yth av vy ow kyni drefenn arwask an eskar?

Salmow 55:3

drefenn lev an eskar, drefenn gwask an tebelwas; rag i a dhre trobel warnav, hag yn sorr i a'm kas.

Salmow 62:2

Ev y honan yw ow harrek ha'm selwyans, ow dinas ma na vydhav disevys nevra.

Salmow 77:9

A ankovas Duw bos grassyes? A dhegeas ev y druedh yn sorr?’ Sela.

Salmow 78:35

Hag i a borthas kov Duw dhe vos aga harrek, ha Duw Ughella dhe vos aga dasprenyas.

Salmow 88:9

ow lagas a fyll dre dhuwon. A Arloedh, my a elwis warnas pub dydh, my re ystynnas ow diwleuv dhis.

Salmow 92:3

War dhaffar a dheg kordenn ha war an delynn, war an sowtri hweg y don.

Ekklesiastes 4:1

Ytho my a dreylyas arta dhe weles oll an arwask yw gwrys yn-dann an howl. Hag otta, dagrow an dus arweskys: ny's teves konforter; denvyth ny's delirv dhiworth nerth aga arwaskoryon; ny's teves konforter.

Ysay 40:27

Prag y leverydh, A Yakob, hag y kewsydh, A Ysrael, ‘Kudhys yw ow fordh rag an Arloedh, ha dispresys yw ow breus gans ow Duw’?

Ysay 49:15

A yll benyn ankevi an flogh orth hy bronn? po fyllel kemmeres truedh a vab hy thorr? I ynwedh a yll ankevi, mes my, ny'th ankovav.