Salmow 42:4 - An Bibel Kernewek 20234 (Kernewek Kemmyn)

⁴ My a berth kov a hemma, ow skoellya ow enev a-bervedh ynnov; fatell gerdhyn vy gans an routh orth aga hembronk dhe ji Duw; gans lev a lowena ha grasyans, yn mysk routh ow synsi goel.

An Sowter 1997 2023

⁴ My a berth kov a hemma, ow skoellya ow enev a-bervedh ynnov : fatell gerdhyn vy gans an routh orth aga hembronk dhe ji Duw;

Salmow 42:4 Iomraidhean Croise

2 Myghternedh 18:30

Na esewgh Hezekia dhe wul dhywgh trestya y'n Arloedh ow leverel, An Arloedh a wra agan delivra yn sur, ha ny vydh an sita ma res yn leuv myghtern Assyria.”

2 Myghternedh 18:32

bys pan dhov ha'gas kemmeres dhe-ves dhe bow kepar ha'gas pow agas honan, pow a reun ha gwin, pow a vara ha gwinlannow, pow a olew ha mel, may hyllowgh bewa yn le merwel. Na woslowewgh orth Hezekia pan y'gas kammled ow leverel, An Arloedh a wra agan delivra.

2 Kroniklys 7:10

Y'n tressa dydh warn ugensves a'n seythves mis ev a dhannvonas an bobel dhe-ves dh'aga threvow, lowenek ha heudh aga holonn, drefenn an dader a dhiskwedhas an Arloedh dhe Davydh ha dhe Solomon ha dh'y bobel Ysrael.

Job 29:2

‘A pen vy kepar hag y'n misyow tremenys, kepar hag y'n dydhyow pan witha Duw warnav,

Salmow 100:4

Ewgh yn y borthow gans grasyans, hag yn y glosyow gans gormola. Godhvydhewgh gras dhodho, ha bennigewgh y hanow.

Salmow 102:10

drefenn dha sorr ha'th koler; rag ty re'm drehevis ha'm tewlel dhe-ves.

Salmow 115:2

Prag y lever an kenedhlow ‘Ple'ma aga Duw?’

Salmow 122:1

Lowen en vy pan lavarsons dhymm, ‘Gwren ni mos bys yn chi an Arloedh.’

Salmow 122:8

A-barth ow breder ha'm kowetha my a lever, ‘Bedhes kres ynnos jy.’

Salmow 55:14

Ni a geskewsi yn hweg an eyl gans y gila, ha ni ow kerdhes yn chi Duw gans an routh.

Salmow 62:8

Trestyewgh ynno ev pup-prys, A bobel; dinewewgh agas kolonn a-dheragdho, rag Duw yw agan skovva. Sela.

Salmow 79:10

Prag y lever an kenedhlow, ‘Ple'ma aga Duw?’ Bedhes diskwedhys dhe'n kenedhlow yn agan golok ni dial rag an goes skoellys a'th wesyon.

Salmow 80:6

Ty a'gan gwra strif dh'agan kentrevogyon, ha'gan eskerens a wra ges ahanan.

Ysay 30:29

Y'gas bydh kan kepar hag yn nos solempnya goel, ha lowena an golonn, kepar dell gerdhir gans son an bib dhe dhos yn menydh an Arloedh, dhe Garrek Ysrael.

Kynvannow 2:19

Yn-sol, kri nosweyth, yn dalleth an goelyow! Skoell dha golonn kepar ha dowr a-dherag fas an Arloedh! Drehav dha dhiwla dhodho a-barth enev dha fleghes, a glamder gans nown orth penn pub stret.

Kynvannow 4:1

Ass yw an owr tewlhes, ass yw treylys an owr pur! Meyn an sentri yw skattrys orth penn pub stret.

Ezekiel 46:10

Pan dhons a-ji, an pennsevik a dheu yn aga mysk, ha pan omdennons, ev ynwedh a omdenn.

Yoel 2:17

Gwres an oferysi, menystrys an Arloedh, oela ynter an porth ha'n alter, ha leverens, ‘Spar, A Arloedh, dha bobel, ha na ro dha ertach yn disenor, ensampel dhe'n kenedhlow. Prag y leverons yn mysk an poblow, “Ple'ma aga Duw?” ’

Nahum 1:15

Awotta, war an menydhyow treys kannas nowodhow da, ow terivas kres! Gwith dha dhy'goelyow, A Yuda, kollanw dha ambosow, rag ny dremen an tebelwas dredhos nevra namoy; ev yw treghys dhe-ves yn tien.

Luk 16:25

Mes Abraham a leveris, “Flogh, porth kov ty dhe dhegemmeres dha bythow da y'th vewnans, ha Lazarus y'n keth vaner an droktaklow; mes lemmyn konfortys yw ev, mes ty yw tormentys.

Dewteronomi 16:11

Ty a lowenha a-rag an Arloedh dha Dhuw, ty, ha'th vab, ha'th vyrgh, ha'th was, ha'th vaghteth, ha'n Levyas usi y'th yetys, ha'n alyon, ha'n omdhivas, ha'n wedhwes usi yntredhowgh y'n tyller a wra an Arloedh dha Dhuw y dhewis, dhe wul dh'y hanow triga ena.

Ruth 1:21

My eth dhe-ves leun, ha gwag re wrug an Arloedh ow daskorr; prag y'm gelwewgh Naomi, ha Duw re dhustunias er ow fynn ha'n Ollgalloesek re wrug drog dhymm?’