Salmow 39:9 - An Bibel Kernewek 20234 (Kernewek Kemmyn)

⁹ Avlavar en vy, ny igeris vy ow ganow, rag ty yw neb a wrug hemma.

An Sowter 1997 2023

⁹ Gwra ow delivra dhiworth ow hammwriansow oll : na wra dhymm bos skorn an den fol.

Salmow 39:9 Iomraidhean Croise

2 Samuel 16:10

Mes yn-medh an myghtern, ‘Pyth eus yntra my ha hwi, hwi vebyon Seruya? Mar kwra ev mollethi rag an Arloedh dhe leverel dhodho, “Molleth Davydh”, piw a lever ena, “Prag y hwruss'ta yndella?” ’

Job 1:21

Hag ev a leveris, ‘Noeth y teuth vy dhiworth torr ow mamm, ha noeth y tehwelav ena; an Arloedh a ros, ha'n Arloedh re gemmeras dhe-ves; benniges re bo hanow an Arloedh.’

Job 2:10

Mes yn-medh ev dhedhi, ‘Ty a gews kepar dell gewssa onan a'n benynes foll. A wren ni degemmeres dader dhiworth leuv Duw, hag a ny wren ni degemmeres drogedh?’ Gans hemma oll ny beghas Job gans y dhiwweus.

Salmow 38:13

Mes my yw avel bodhar, ny glewav; hag avel avlavar na iger y anow.

Daniel 4:35

ha pub annedhyas a'n norvys yw reknys avel mann; kepar dell vynno y hwra yn mysk lu an nev, hag yn mysk annedhysi an norvys; ny yll denvyth lettya y dhorn na leverel dhodho, ‘Pandr'a wredh?’

Levitikus 10:3

Ena yn-medh Moyses dhe Aron, ‘Hemm yw an pyth a gewsis an Arloedh anodho, ow leverel, “My a vydh sanshes der an re a dheu nes dhymm, ha my a vydh glorifiys dherag oll an bobel.” ’ Hag Aron a dewis.

1 Samuel 3:18

Ha Samuel a dherivas dhodho pup-tra ha ny gudhas travyth a-dhiworto. Hag ev a leveris, ‘An Arloedh yw; Gwres ev an pyth a hevel da dhodho.’