Salmow 39:6 - An Bibel Kernewek 20234 (Kernewek Kemmyn)

⁶ Rag den a gerdh avel skeus; yn hwir ev yw troblys yn euver; ev a wra bern a rychys ha ny woer piw a'n kuntell.

An Sowter 1997 2023

⁶ Otta, ty re wrug ow dydhyow avel nebes dornvedhi : ha'm oes yw avel travyth a-dheragos; yn hwir, pub den a sev avel anall.

Salmow 39:6 Iomraidhean Croise

Job 14:1

‘Mab-den, genys a venyn, yw kott y dhydhyow, ha leun a anken.

Job 7:16

Kasadow dhymm yw ow bewnans; ny vynnav bewa bys vykken. Gas vy ow honan, rag bos ow dydhyow anall.

Job 7:7

‘Porth kov ow bewnans dhe vos anall; ny wra ow dewlagas gweles arta yn ta.

Salmow 127:2

Euver ragowgh hwi yw sevel a-varr, ha powes helergh, ow tybri an bara a lavuryow; rag yndella y re ev hun dh'y garadow.

Salmow 144:4

Kepar hag anall yw den; y dhydhyow a dremen avel skeus.

Salmow 89:48

Py gour a vew heb gweles ankow? A yll ev delivra y enev dhiworth leuv ifarn? Sela.

Lavarow Koth 13:22

Den da a as eretons dhe vebyon y vebyon, mes pyth an peghador yw gwithys rag an den gwiryon.

Lavarow Koth 23:5

Pan wel dha dhewlagas rychys, gyllys yw, rag distowgh ev a gemmer diwaskell dhodho y honan, ow nija avel er war-tu ha'n ebron.

Lavarow Koth 27:24

Rag ny bes tresor bys vykken, na ny bes kurun a henedh dhe henedh.

Ekklesiastes 1:14

My re welas pup-tra yw gwrys yn-dann an howl: hag otta, yth yw oll hemma euveredh ha chasya war-lergh an gwyns.

Ekklesiastes 11:10

Gwra dannvon sorr yn-mes a'th kolonn, ha dannvon drog yn-mes a'th kig, rag euveredh yw flogholeth ha yowynkneth.

Ekklesiastes 12:13

Diwedh an mater, wosa klewes pup-tra, yw hemma: Porth own a Dhuw, ha gwith y worhemmynnow, drefenn bos hemma dever pub den oll.

Ekklesiastes 12:8

Euveredh a euveredh, yn-medh an Pregowther, pup-tra yw euveredh.

Ekklesiastes 2:26

Rag dhe neb yw plegadow dhodho, Duw a re furneth ha godhvos ha plesour, mes dhe'n peghador ev a re an oberenn a guntell ha bernya rychys hag ena dhe ri an keth henna dhe biwpynag a vo plegadow dhe Dhuw. Hemma ynwedh yw euveredh ha chasya war-lergh an gwyns.

Ekklesiastes 2:8

my a vernyas hag arghans hag owr ragov vy ow honan, ha tresor a vyghternedh ha ranndiryow; my a gavas ragov vy ow honan kanoryon ha kanoresow, war-barth ha'n pyth a re delit dhe vebyon den – harim a iswragedh teg.

Ekklesiastes 5:14

mes kellys veu an rychys na der aventur anfeusik, ha nyns eus travyth gesys yn y dhorn rag an vab a dhineythis dhe erita.

Ysay 55:2

Prag y spenowgh arghans rag an pyth nag yw bara? ha'gas lavur rag an pyth na yll lenwel? Goslowewgh orthiv dour, ha dybrewgh an pyth yw da, ha'th enev a lowenha gans boes rych.

Luk 12:26

Ytho mar ny yllowgh gul an taklow byghanna, prag y prederowgh a-dro dhe'n re erell?

Luk 12:29

Ha hwi, na hwilewgh pandr'a dhebrowgh na pandr'a evowgh, ha na vedhewgh gyllys yn prederow.

1 Korinthianys 7:31

ha'n re neb a wra devnydh a'n bys kepar ha pan na wrens i leun dhevnydh anodho. Rag yma furv an bys ma ow tremena dhe-ves.

Jamys 4:14

Mes ny wodhowgh fatell vydh agas bewnans a-vorow. Ethenn owgh hwi owth omdhiskwedhes rag berr dermyn hag ena ow mos mes a wel.

Jamys 5:3

Agas owr ha'gas arghans re gesknias, ha'ga hesknians a vydh dustuni er agas pynn ha dybri agas kig kepar ha tan. Hwi re guntellas tresor rag an dydhyow diwettha.

1 Peder 1:24

Rag, ‘Oll kig yw kepar ha gwels, hag oll y splannder kepar ha bleujenn an gwels. An gwels a wedher, ha'n vleujenn a goedh dhe-ves,

1 Peder 5:7

ow tewlel oll agas fienasow warnodho, rag hwi yw bern dhodho ev.