Salmow 39:12 - An Bibel Kernewek 20234 (Kernewek Kemmyn)

¹² ‘Klew ow fysadow, A Arloedh, ha ro skovarn dhe'm kri; na vydh tawesek orth ow dagrow. Rag alyon ov vy genes, godriger, avel ow thasow oll.

An Sowter 1997 2023

¹² Pan geredhydh den, ow kessydhya kammweyth, ty a wra dh'y dekter teudhi dhe-ves kepar dell wra an goedhan : yn hwir, anall yw pub den.

Salmow 39:12 Iomraidhean Croise

Jenesis 21:34

Hag yth esa Abraham trigys avel alyon yn pow an Filistysi lies dydh.

Jenesis 47:9

Hag yn-medh Yakob dhe Faro, ‘Dydhyow blydhynyow ow godrigow yw deg ha hwegh-ugens. Boghes ha drog re beu dydhyow blydhynyow ow bewnans, ha ny wrussons dos nes dhe dhydhyow blydhynyow bewnans ow thasow yn dydhyow aga godrigow i.’

2 Samuel 16:12

Martesen an Arloedh a wel ow galar hag attyli dhymm gans da yn le y volleth hedhyw.’

2 Myghternedh 20:5

‘Treyl arta, ha leverel dhe Hezekia, rewler ow fobel, Yndella a lever an Arloedh, Duw dha das Davydh: My re glewas dha bysadow, my re welas dha dhagrow; otta, my a wra dha yaghhe; y'n tressa dydh ty a wra mos yn-bann dhe ji an Arloedh.

1 Kroniklys 29:15

Rag alyons on ni a-ragos, ha godrigoryon, kepar ha'gan tasow oll. Avel skeus yw agan dydhyow war an nor, heb govenek.

Job 13:28

Den a dhe goll kepar ha tra bodrek, kepar ha dillas dybrys gans goedhanes.

Job 16:20

Ow howetha a'm skorn; ow lagas a dhinew dagrow dhe Dhuw.

Salmow 102:1

A Arloedh, klew ow fysadow; ha re dheffo ow kri dhiso jy.

Salmow 116:3

Kerdyn ankow res eth a-dro dhymm; ha galarow ifarn a'm dalghennas; My a gavas anken hag ahwer.

Salmow 119:19

Alyon ov vy war an nor; na gudh dha worhemmynnow ragov.

Salmow 119:54

Dha ordenansow re beu kanow dhymm yn chi ow fergherinses.

Salmow 56:8

Ty re verkyas ow gwandrans; gorr ow dagrow y'th votell. A nyns yns i skrifys y'th lyver?

Salmow 90:9

Rag oll agan dydhyow a dremen yn-dann dha sorr; ni a dhre agan blydhynyow dhe benn kepar ha hanas.

Levitikus 25:23

Ny vydh an tir gwerthys bys vykken, rag my a bew an tir; rag hwi yw alyons ha godrigoryon genev.

2 Korinthianys 5:6

Prest leun a fydhyans on ni, ytho; ha ni a woer, ha ni yn chi y'n korf, agan bos a-dre dhiworth an Arloedh,

Ebrowyon 11:13

Dre fydh y ferwis oll an re ma, heb degemmeres an ambosow; mes i a's gwelas ha'ga salusi a-bell, ow konfessya aga bos estrenyon ha godrigoryon war an nor.

Ebrowyon 5:7

Yn dydhyow y gig, Yesu a brofyas pysadow ha govynnadow, gans kriow ughel ha dagrow, dhe neb a ylli y dhelivra dhiworth mernans hag ev a veu klewys drefenn y own a Dhuw.

1 Peder 1:17

Ha mar kelwowgh warnodho avel Tas, ev neb a vreus heb plegyans war-lergh gwrians pub den, gwrewgh spena termyn agas godrik yn own.

1 Peder 2:11

Karadowyon, my a'gas pys avel alyons ha divresow mayth omwithewgh rag hwansow an kig a wra gwerrya erbynn an enev.