Salmow 34:4 - An Bibel Kernewek 20234 (Kernewek Kemmyn)

⁴ My a hwilas an Arloedh, hag ev a worthybis dhymm, ha'm delivra dhiworth pup-tra a borthav own anodho.

An Sowter 1997 2023

⁴ My a hwilas an Arloedh, hag ev a worthybis dhymm : ha'm delivra dhiworth pup-tra a borthav own anodho.

Salmow 34:4 Iomraidhean Croise

2 Kroniklys 15:2

Ev eth yn-mes rag metya gans Asa, hag a leveris dhodho, ‘Goslow orthiv, Asa hag oll Yuda ha Benyamin. Yma an Arloedh genowgh, ha hwi ganso. Mara's hwilowgh, ev a vydh kevys genowgh, mes mara's gesowgh, ev a'gas gas.

Salmow 18:6

Y'm anken my a elwis war an Arloedh, ha dhe'm Duw y kriis vy rag gweres. Ev a glewas ow lev yn-mes a'n tempel, ha'm kri a-dheragdho a dheuth bys yn y dhiwskovarn.

Salmow 22:24

Rag ny dhispresyas ev nag aborrya anken an den truan; ha ny gudhas y fas ragdho, mes pan grias warnodho ev a'n klewas.

Salmow 31:22

Rag my a leveris y'm toeth, ‘Treghys ov vy a-dherag dha dhewlagas.’ Mes ty a glewas lev ow govynnadow pan griis vy warnas.

Salmow 35:27

Garmes yn lowen ha bedhes heudhik an re a lowenha y'm ewnder, ha prest leverens i, ‘Meur yw an Arloedh, neb yw hwansek dhe les y was.’

Salmow 40:17

Boghosek hag edhommek ov vy; mes an Arloedh a breder ahanav. Ty yw ow gwereser ha'm delivrer; ow Duw, na wra delatya.

Salmow 46:2

Rakhenna ny berthyn own, kyn fo an nor chanjys, ha kyn krenno an menydhyow yn kres an mor;

Salmow 56:3

Y'n jydh may porthav own my a drest ynnos jy.

Ysay 12:2

Otta, Duw yw ow selwyans; my a fydh, ha ny borthav own, rag an Arloedh Duw yw ow nerth ha'm kan, hag ev yw ow selwyans.

Yona 2:2

ow leverel, My a elwis y'm anken war an Arloedh, hag ev a worthybis dhymm; yn-mes a dorr ifarn y kriis vy rag gweres, ha ty a glewas ow lev.

Matthew 7:7

‘Govynnewgh hag y fydh res dhywgh, hwilewgh ha hwi a gyv, knoukyewgh hag y fydh igerys dhywgh;

Luk 11:9

‘Ha my a lever dhywgh, govynnewgh hag y fydh res dhywgh, hwilewgh ha hwi a gyv, knoukyewgh hag y fydh igerys dhywgh;

2 Timothi 1:7

Rag ny ros Duw dhyn spyrys ownek mes spyrys a alloes, a gerensa hag a omrewl.

Ebrowyon 5:7

Yn dydhyow y gig, Yesu a brofyas pysadow ha govynnadow, gans kriow ughel ha dagrow, dhe neb a ylli y dhelivra dhiworth mernans hag ev a veu klewys drefenn y own a Dhuw.

1 Samuel 27:1

Davydh a brederis yn y golonn, ‘Lemmyn, my a verow unn jydh dre leuv Sowl; nyns eus travyth gwell ragov marnas diank hware dhe bow an Filistysi; ena Sowl a hedh dhe'm hwilas pella a-ji dhe oryon Ysrael, ha my a dhienk mes a'y leuv.’