Salmow 33:2 - An Bibel Kernewek 20234 (Kernewek Kemmyn)

² Gormelewgh an Arloedh gans sowtri; kenewgh gormola dhodho gans telynn a dheg kordenn.

An Sowter 1997 2023

² Gormelewgh an Arloedh gans telynn : kenewgh gormola dhodho gans sowtri a dheg kordenn.

Salmow 33:2 Iomraidhean Croise

2 Samuel 6:5

Davydh hag oll chi Ysrael a lowenhas dherag an Arloedh gans oll aga nerth, gans kanow, ha sowtris, telynnow, tabourigow, sistrennow, ha gans symbalys.

1 Kroniklys 15:16

Davydh a erghis dhe ledyoryon an Levysi apoyntya aga breder avel kanoryon gans daffar menestrouthi, telynnow, sowtris ha symbalys, ow trehevel son lowena.

1 Kroniklys 15:28

Oll Ysrael a dhros yn-bann argh kevambos an Arloedh gans garmow, gans son korn, hirgern ha symbalys, ha son telynnow ha sowtris.

1 Kroniklys 25:3

A vebyon Yeduthun: Gedalia, Seri, Yeshaia, Shimei, Hashabia ha Mattithia, an hwegh ma yn-dann aga thas Yeduthun, neb a brofoesa gans an sowtri, ow kodhvos gras ha gormel dhe'n Arloedh.

1 Kroniklys 25:6

Yth esa oll an re ma yn-dann gevarwoedhyans aga thasow rag an menestrouthi yn chi an Arloedh, gans symbalys, sowtris ha telynnow, rag an servis yn chi Duw. Yth esa Asaf, Yeduthun, ha Heman yn-dann worvirans an myghtern.

Salmow 144:9

My a gan kan nowydh dhis, A Dhuw; war delynn a dheg kordenn y kanav gormola dhis.

Salmow 149:3

Gormelens i y hanow y'n dons, kanens gormola dhodho gans tabourik ha sowtri.

Salmow 71:22

My a'th wormel ynwedh gans an delynn drefenn dha wiryonedh, ow Duw; my a gan dhiso jy gans an sowtri, ty Sans Ysrael.

Salmow 92:3

War dhaffar a dheg kordenn ha war an delynn, war an sowtri hweg y don.

Salmow 92:4

Rag ty, A Arloedh, re'm heudhhas dre dha wriansow, orth ober dha dhiwleuv my a arm yn lowen.

Eksodus 15:20

Ena Miryam, an brofoeses, hwoer Aron, a gemmeras tabourik yn hy leuv ha'n benynes oll eth war hy lergh gans tabourigow ha gans donsyow.

Diskwedhyans 14:2

Ha my a glewas son dhiworth nev kepar ha son lies dowr, ha son taran vras, ha'n son a glewis o kepar ha telynnyoryon ow telynnya gans aga thelynnow.

Diskwedhyans 5:8

Ha pan gemmeras an rol, an peswar kreatur bew, ha'n peswar henavek warn ugens a goedhas dhe'n dor a-dherag an Oen, pubonan gans telynn ha fiolyow owrek leun a ynkys, yw pysadow an syns.