Salmow 32:7 - An Bibel Kernewek 20234 (Kernewek Kemmyn)

⁷ Ty yw ow hovva, ty a'm gwith rag anken; ty a dheu a-dro dhymm gans kanow livreson. Sela.

An Sowter 1997 2023

⁷ Rakhemma y hwra pubonan yw glan pysi warnas jy, yn prys may hyllir dha gavoes : devri yn liv an dowrow meur, ny dhons ogas dhodho.

Salmow 32:7 Iomraidhean Croise

2 Samuel 22:1

Davydh a gewsis geryow an gan ma dhe'n Arloedh y'n jydh ma'n selwis an Arloedh dhiworth leuv y eskerens oll, ha dhiworth leuv Sowl;

Salmow 119:114

Ow hovva ha'm skoes osta jy; yn dha er jy y fydhyav.

Salmow 143:9

Gwra ow delivra, A Arloedh, dhiworth ow eskerens; dhiso jy y fiav rag skovva.

Salmow 18:5

yth esa kerdyn ifarn a-dro dhymm; yth esa antylli ankow a-dheragov.

Salmow 27:5

Rag ev a'm kel yn y skovva yn dydh anken; yn goskes y dylda ev a'm kudh; ev a'm gorr war-vann war garrek.

Salmow 31:20

Yn goskes dha fas ty a's kudh rag towlow den; ty a's kudh yn skovva, pell dhiworth strif tavosow.

Salmow 32:10

Galarow pals a vydh dhe'n tebelwas, mes neb a drest y'n Arloedh, tregeredh a dheu a-dro dhodho.

Salmow 40:3

Hag ev re worras kan nowydh y'm ganow, kan a wormola dh'agan Duw. Lies huni a'n wel, ha perthi own, ha trestya y'n Arloedh.

Salmow 5:12

Rag ty, A Arloedh, a vennik an den gwiryon; ty a'n kudh gans favour kepar ha gans skoes.

Salmow 9:9

An Arloedh ynwedh a vydh dinas dhe'n den truan, dinas yn prysyow anken.

Salmow 91:1

Seul a drig yn skovva an Ughella a bowes yn-dann woskes an Ollgalloesek.

Salmow 98:1

Kenewgh dhe'n Arloedh kan nowydh, rag ev re wrug marthusyon. Y leuv dhyghow ha'y vregh sans re wrug budhogoleth ragdho.

Yeremia 36:26

Mes an myghtern a worhemmynnis dhe Yerahmeel mab an myghtern ha Seraya mab Azriel, ha Shelemia mab Abdeel may talghenna Baruk an skrifennyas ha Yeremia an profoes. Mes an Arloedh a's kelas.

Kolossianys 3:3

Rag hwi re verwis, ha'gas bewnans yw kudhys gans Krist yn Duw.

Diskwedhyans 7:10

hag i a armas, ughel aga lev, ow leverel, ‘Selwyans dh'agan Duw yw esedhys war an tron, ha dhe'n Oen.’

Breusysi 5:1

Ena Debora ha Barak mab Abinoam a ganas y'n jydh na, ow leverel: