Salmow 3:7 - An Bibel Kernewek 20234 (Kernewek Kemmyn)

⁷ Sav, A Arloedh; salw vy, ow Duw! Rag ty re weskis oll ow eskerens war an challa; ty re dorras dyns an debeles.

An Sowter 1997 2023

⁷ Sav, A Arloedh; salw vy, ow Duw : rag ty re weskis oll ow eskerens war an challa : ty re dorras dyns an debeles.

Salmow 3:7 Iomraidhean Croise

2 Samuel 18:8

An vatel ena a veu lesys war enep oll an pow, ha'n goeswik a dhevoryas moy pobel y'n jydh na es dell dhevoryas an kledha.

Job 16:10

Tus re lagattas orthiv, igerys aga ganow; i re'm gweskis orth ow bogh yn unn skornya; i re omguntellas war-barth er ow fynn.

Job 29:17

My a derri diwen an dhrogoberer, ha gul dhodho gasa y breydh dhe goedha dhiworth y dhyns.

Salmow 10:12

Sav, A Arloedh; A Dhuw, drehav dha leuv; na ankov an voghosogyon.

Salmow 12:5

‘Drefenn an voghosogyon dhe vos ravnys, drefenn kynvann an edhommogyon, lemmyn my a sev’, yn-medh an Arloedh; ‘my a'n gorr y'n sawder a yeun ev.’

Salmow 27:3

Kyn hwrello lu kampya er ow fynn, ny berth ow holonn own; kyn sortyo bresel er ow fynn, hwath my a vydh fydhyansek.

Salmow 35:23

Sav, ha difun rag ow gwirvreus, rag pledya ow hen, ow Duw ha'm Arloedh.

Salmow 44:23

Difun, prag y koskydh, A Arloedh? Sav, na skon ni bynitha.

Salmow 58:6

Torr aga dyns yn aga ganow, A Dhuw; brew challa an lewyon yowynk, A Arloedh.

Salmow 59:5

Ha ty, A Arloedh, Duw an luyow, Duw Ysrael, difun dhe wul vri a'n kenedhlow oll; na vydh grassyes orth an fals dhrogoberoryon. Sela.

Salmow 6:4

Dehwel, A Arloedh, delirv ow enev; salw vy a-barth dha dregeredh.

Salmow 7:6

Sav, A Arloedh, y'th sorr; omdhrehav erbynn koler ow eskerens; ha difun, A Dhuw, y'n gwirvreus a worhemmynnsys.

Salmow 74:11

Prag y tennydh dha leuv, dha leuv dhyghow, war-dhelergh? Kemmer hi dhiworth dha askra ha'ga hisya.

Salmow 76:9

pan sevis Duw dhe vreus, dhe selwel oll an re hwar usi y'n nor. Sela.

Ysay 51:9

Difun, difun, omwisk yn nerth, A vregh an Arloedh. Difun kepar hag y'n dydhyow koth, henedhow an termyn pell, A ny veu ty hag a droghas Rahab yn temmigow, hag a wanas an dhragon?

Kynvannow 3:30

ha res ev an vogh dhe neb a'n gwasko, ha bedhes lenwys a dhespit.

Habakkuk 2:19

Go-ev neb a lever dhe brenn, ‘Difun’, dhe ven avlavar, ‘Yn-sol!’ Dyskador ywa? Otta, gorlownys yw gans owr hag arghans, mes nyns eus spyrys vyth a-berth ynno.