Salmow 27:4 - An Bibel Kernewek 20234 (Kernewek Kemmyn)

⁴ Unn dra a wovynnis orth an Arloedh, henna a hwilav: my dhe driga yn chi an Arloedh dres oll dydhyow ow bewnans, dhe vires orth tekter an Arloedh, ha dhe brederi yn y dempel.

An Sowter 1997 2023

⁴ Unn dra a wovynnis orth an Arloedh, henna a hwilav : my dhe driga yn chi an Arloedh dres oll dydhyow ow bewnans, dhe vires orth tekter an Arloedh, ha dhe brederi yn y dempel.

Salmow 27:4 Iomraidhean Croise

2 Samuel 21:1

Lemmyn yth esa divoetter yn dydhyow Davydh teyr blydhen, blydhen wosa blydhen; ytho Davydh a hwilas fas an Arloedh. Ha'n Arloedh a worthybis, ‘Yth yw drefenn Sowl, ha'y ji goesek, rag ev dhe worra an Gibeonysi dhe'n mernans.’

Salmow 23:6

Sur, dader ha tregeredh a'm hol oll dydhyow ow bewnans, ha my a drig yn chi an Arloedh bynitha.

Salmow 26:6

My a wolgh ow diwleuv yn gwiryonsys, ha mos a-dro dhe'th alter, A Arloedh,

Salmow 26:8

Arloedh, my re garas trigva dha ji, an tyller mayth annedh dha wolewder.

Salmow 27:8

Ow holonn re leveris ahanas, ‘Hwila y fas.’ Dha fas, A Arloedh, a hwilav vy.

Salmow 50:2

Yn-mes a Sion, perfydh hy thekter, Duw re splannas.

Salmow 65:4

Gwynnvys an den a dhewisydh hag a dhredh nes dhis, may trykko y'th klosyow; ni a vydh lenwys a dhader dha ji, ha'th tempel sans.

Salmow 84:10

Rag unn jydh y'th klosyow yw gwell ages mil yn ken le. Gwell via genev bos porther yn chi ow Duw ages annedhi tyldow sherewneth.

Salmow 84:4

Gwynnvys an re a drig y'th chi; prest y fydhons orth dha wormel. Sela.

Salmow 90:17

Ha bedhes favour an Arloedh agan Duw warnan ni, ha fast ober agan diwleuv warnan, fast ober agan diwleuv.

Yeremia 29:13

Ha hwi a'm hwila, ha'm kavoes pan y'm hwilowgh a leun golonn.

Daniel 9:3

Ena my a dreylyas ow thremmynn troha'n Arloedh Duw, orth y hwilas dre bysadow ha der aspysadow, gans penys, ha gans yskar ha lusu.

Zekaria 9:9

Lowenha yn feur, myrgh Sion! Garm, myrgh Yerusalem! Awotta dha vyghtern a dheu dhis, gwiryon ha trygh, uvel hag ow marghogeth war asen, war ebel mab asen.

Matthew 6:33

Mes kyns oll hwilewgh gwlaskor Duw ha'y ewnder, hag oll an taklow ma a vydh res dhywgh maga ta.

Luk 10:42

mes yma edhomm a unn dra: ha Maria re dhewisas an rann dha, na vydh kemmerys dhiworti.’

Luk 13:24

‘Strivyewgh dhe vos a-bervedh der an porth kul, rag lies, yn-medhav dhywgh, a hwila mos a-ji ha ny yllons.

Luk 18:1

Ev a dherivas parabolenn dhedha, bos res dhedha pysi pup-prys, heb bos digolonnek,

Luk 2:37

ha hi gwedhwes bys peswar bloedh ha peswar-ugens, neb na dhiberthi dhiworth an tempel, ow servya Duw gans penys ha pysadow dydh ha nos.

2 Korinthianys 3:18

Mes, heb kudhlenn war agan fas, hag ow kweles golewder an Arloedh kepar hag yn gweder-mires, yth eson ni oll ow pos chanjys bys y'n keth imaj, dhiworth golewder dhe wolewder kepar ha dhiworth an Arloedh, an Spyrys.

2 Korinthianys 4:6

Rag Duw, neb a leveris ‘Yn-mes a dewlder y hwra golow splanna’, re splannas yn agan kolonnow dhe ri golow godhvos golewder Duw yn fas Krist.

Filippianys 3:13

A vreder, ny amontyav my dhe synsi an gober ow honan. Mes unn dra a wrav: yth ankovav an taklow usi war ow lergh, hag yth ystynnav troha'n taklow usi a-dheragov,

1 Timothi 5:5

Neb yw gwedhwes wir, neb re beu gesys hy honan, re settyas hy govenek war Dhuw, ow pesya yn govynnadow ha pysadow dydh ha nos.

Ebrowyon 11:6

Ha heb fydh ny yllir y blesya. Rag y tegoedh dhe neb a dheffo nes dhe Dhuw krysi y vos bew hag ev dhe wobra an re a'n hwila yn tiwysyk.

1 Samuel 1:11

Ha hi a ambosas ambos ha leverel, ‘A Arloedh an luyow, mar mirydh dhe wir war alar dha vaghteth, ha perthi kov ahanav, ha ny ankevydh dha vaghteth, mes ri dhe'th vaghteth mab, ena my a'n re dhe'n Arloedh oll dydhyow y vewnans, ha ny wra altenn vyth tochya y benn.’

1 Samuel 22:10

ev a wovynnas orth an Arloedh ragdho, ha ri dhodho boes, ha ri dhodho kledha Goliath an Filistyas.’

1 Samuel 30:8

Ha Davydh a wovynnas orth an Arloedh, ha leverel, ‘A wrav vy helghya an bagas ma? A wrav vy aga hachya?’ Ev a worthybis dhodho, ‘Helgh, rag ty a wra yn sur aga hachya ha heb falladow sawya an brisnoryon.’