Salmow 22:8 - An Bibel Kernewek 20234 (Kernewek Kemmyn)

⁸ ‘Trest y'n Arloedh ma'n deliffro. Gwres ev y dhelivra, rag ev a'n jeves delit ynno.’

An Sowter 1997 2023

⁸ Trest y'n Arloedh ma'n deliffro : gwres ev y dhelivra, rag ev a'n jeves delit ynno.

Salmow 22:8 Iomraidhean Croise

Job 16:4

My ynwedh a allsa kewsel kepar dell wrewgh, mar pewgh y'm tyller vy. My a allsa junya geryow war-barth er agas pynn, ha shakya ow fenn orthowgh.

Salmow 109:25

My a dheuth ha bos skorn dhedha; pan y'm gwelsons, i a shakyas aga fenn.

Salmow 18:19

Ev a'm dros yn-mes dhe dyller ledan; ev a'm delivras, drefenn bos dhodho delit ynnov.

Salmow 37:5

Kommytt dha fordh dhe'n Arloedh; trest ynno, hag ev a'n gwra.

Salmow 42:10

Ha'm eskern ow pos brewys, ow eskerens a'm skorn, ow leverel dhymm oll an jydh, ‘Ple'ma dha Dhuw?’

Salmow 55:22

Towl dha vegh war an Arloedh, hag ev a'th sosten; ny as ev nevra an re wiryon dhe drebuchya.

Salmow 71:11

Hag yn-medhons i, ‘Duw re'n forsakyas; helghyewgh ev, ha'y gemmeres; rag nyns eus den a'n deliffro.’

Salmow 91:14

Drefenn ev dhe worra y gerensa warnav, rakhenna my a'n delirv; my a'n drehav, rag ev dhe aswonn ow hanow.

Lavarow Koth 16:3

Kommytt dha ober dhe'n Arloedh, ha'th towlow a vydh fastys.

Ysay 42:1

Otta ow gwas neb a skoedhyav, ow den dewisys may lowenha ow enev ynno; my re worras ow Spyrys warnodho, ev a dheg gwirvreus yn-mes dhe'n kenedhlow.

Matthew 12:18

‘Awotta ow gwas a dhewisis, ow haradow mayth usi ynno ow delit; my a worr ow spyrys warnodho hag ev a dheriv breus dhe'n Jentilys.

Matthew 17:5

Hag ev ow kewsel, awotta, kommolenn wolow a dewlis skeus warnedha, hag awotta lev yn-mes a'n gommolenn ow leverel, ‘Hemm yw ow Mab karadow, mayth usi ynno ow delit; klewewgh ev.’

Matthew 3:17

hag awotta lev yn-mes a'n nevow ow leverel, ‘Hemm yw ow Mab karadow, mayth usi ynno ow delit.’

Luk 23:35

Ha'n bobel a sevis ena ow mires; an rewloryon ynwedh a skornya ganso, ow leverel, ‘Ev a sawyas erell, omsawys ev y honan mars yw an Krist a Dhuw, an Dewisys.’