Salmow 22:1 - An Bibel Kernewek 20234 (Kernewek Kemmyn)

¹ Ow Duw, ow Duw, prag y'm gessys? Prag yth es'ta mar bell dhiworth ow selwyans, ha dhiworth geryow ow hynvann?

An Sowter 1997 2023

¹ Ow Duw, ow Duw, prag y'm gessys : prag yth es'ta mar bell dhiworth ow selwyans, ha dhiworth geryow ow hynvann?

Salmow 22:1 Iomraidhean Croise

Job 3:24

Rag ow hanasow a dheu yn le ow bara, ha diverys yw ow hynvannow kepar ha dowr.

Salmow 10:1

Prag, A Arloedh, y sevydh a-bell? Prag yth omgelydh yn prysyow anken?

Salmow 16:1

Gwith vy, A Dhuw, rag ynnos jy y hwilav skovva.

Salmow 22:11

Na vydh pell dhiworthiv, rag anken a dheu yn ogas ha nyns eus neb a weresso.

Salmow 22:16

Rag keun re dheuth a-dro dhymm; kuntelles an debeles re'm keas; i re wanas ow diwleuv ha'm treys.

Salmow 26:9

Na guntell ow enev gans peghadoryon, na'm bewnans gans tus woesek;

Salmow 37:28

Rag an Arloedh a gar gwirvreus, ha ny as y syns. Gwithys yns i bynitha, mes has an debeles a vydh treghys dhe-ves.

Salmow 38:8

Difredh ov vy ha brewys dres eghenn; my re hanasas drefenn ankres ow holonn.

Salmow 71:11

Hag yn-medhons i, ‘Duw re'n forsakyas; helghyewgh ev, ha'y gemmeres; rag nyns eus den a'n deliffro.’

Ysay 46:13

My a dhre ow ewnder yn ogas, ny vydh pell, ha'm selwyans, ny wra ev strechya. My a re selwyans dhe Sion, ha dhe Ysrael y rov ow splannder.

Ysay 59:11

Ni oll a romm avel orses, ha kyni avel kelemmi. Ni a worta gwirvreus mes nyns eus; ni a worta selwyans mes pell yw ahanan.

Levitikus 2:6

Ty a'n rann yn darnow ha dinewi oyl warnodho. Offrynn greun yw.

Matthew 27:46

Hag a-dro dhe'n nawves eur, Yesu a armas gans lev ughel ow leverel, ‘Eli, Eli, lema sabaghthani?’ henn yw: ‘Ow Duw, Ow Duw, prag y'm forsaksys?’

Mark 15:34

Hag y'n nawves eur Yesu a grias gans lev ughel, ‘Eloi, Eloi, lema sabaghthani?’, dhe styrya yw, ‘Ow Duw, ow Duw, prag y'm forsaksys?’

Luk 22:44

Ha devedhys yn angoes ev a bysi moy ter; ha'y hwys a dheuth ha bos kepar ha bannaghow a woes ow troppya war an dor.

Luk 24:44

Hag yn-medh ev dhedha, ‘An re ma yw ow geryow a gewsis orthowgh ha my hwath genowgh, bos res pup-tra skrifys a-dro dhymm yn lagha Moyses hag y'n brofoesi hag y'n salmow dhe vos kollenwys.’

Ebrowyon 13:5

Bedhes agas bewnans rydh a gerensa arghans, ha bedhewgh kontentys gans an pyth a'gas beus; rag ev re leveris, ‘Nevra ny wrav dha fyllel na dha forsakya.’

Ebrowyon 5:7

Yn dydhyow y gig, Yesu a brofyas pysadow ha govynnadow, gans kriow ughel ha dagrow, dhe neb a ylli y dhelivra dhiworth mernans hag ev a veu klewys drefenn y own a Dhuw.

1 Samuel 12:22

Rag ny wra an Arloedh forsakya y bobel, a-barth y hanow meur, drefenn bos plegadow dhe'n Arloedh agas gwruthyl y bobel.