Salmow 19:8 - An Bibel Kernewek 20234 (Kernewek Kemmyn)

⁸ Arghadowyow an Arloedh yw ewn, ow lowenhe an golonn; gorhemmynn an Arloedh yw pur, ow ri golow dhe'n dhewlagas.

An Sowter 1997 2023

⁸ Arghadowyow an Arloedh yw ewn, ow lowenhe an golonn : gorhemmynn an Arloedh yw pur, ow ri golow dhe'n dhewlagas.

Salmow 19:8 Iomraidhean Croise

Jenesis 26:5

rag Abraham re goelas orth ow lev ha gwitha ow charj, ow gorhemmynnow, ow ordenansow ha'm laghys.’

2 Myghternedh 17:37

Gwaytyewgh gwitha an ordenansow, an breusow, an laghys, ha'n gorhemmynnow a skrifas ev ragowgh. Ny wordhewgh duwow erell.

Nehemia 8:12

Hag oll an bobel eth yn-kerdh dhe dhybri ha dhe eva, ha dhe dhannvon rannow ha dhe wul lowender bras, drefenn i dhe gonvedhes an geryow a veu disklerys dhedha.

Nehemia 9:13

Ty a dheuth yn-nans war venydh Sinay ha kewsel gansa dhiworth nev ha ri dhedha rewlys ewn ha gwir laghys, ordenansow ha gorhemmynnow da,

Salmow 105:45

rag may synsens y ordenansow ha gwitha y laghys. Gormelewgh an Arloedh.

Salmow 111:7

Gwriansow y dhiwleuv yw gwirder ha gwirvreus; oll y arghadowyow yw sur.

Salmow 119:105

Lugarn dhe'm treys yw dha er, ha golow dhe'm hyns.

Salmow 119:12

Ty yw benniges, A Arloedh; dysk dhymm dha ordenansow.

Salmow 119:121

My re wrug gwirvreus hag ewnder; na as vy dhe'n re a'm gwask.

Salmow 119:128

Rakhenna my a gerdh yn ewn herwydh oll dha arghadowyow; my a gas pub hyns gowek.

Salmow 119:130

Diskwedhyans dha eryow a re golow; ev a re skians dhe'n re sempel.

Salmow 119:14

My re lowenhas yn fordhow dha dhustuniow kemmys hag yn kevoeth pub oll.

Salmow 119:143

Anken ha poesyjyon re'm kemmeras, mes dha worhemmynnow yw ow lowena.

Salmow 119:16

My a lowenha y'th ordenansow; ha ny wrav ankevi dha er.

Salmow 119:171

Ow diwweus a lever gormola, drefenn ty dhe dhyski dhymm dha ordenansow.

Salmow 119:24

Dha dhustuniow ynwedh yw ow lowena, ow husulyoryon.

Salmow 119:40

Otta, my re yeunis war-lergh dha arghadowyow; bewha vy y'th ewnder.

Salmow 119:54

Dha ordenansow re beu kanow dhymm yn chi ow fergherinses.

Salmow 119:80

Bedhes ow holonn perfydh y'th ordenansow, ma na berthiv meth.

Salmow 119:92

Na ve dha lagha ow lowena, devri my a vawrsa yn ow anken.

Salmow 12:6

Lavarow an Arloedh yw lavarow glan, avel arghans teudhys yn forn a bri, purhes seythgweyth.

Salmow 13:3

Mir, ha gorthyp dhymm, A Arloedh ow Duw! Ro golow dhe'm dewlagas, ma na goskiv yn hun ankow;

Salmow 40:8

My re vynnas gul dha volonjedh, ow Duw, yma dha lagha yn kres ow holonn.

Salmow 93:5

Dha dhustuniow, A Arloedh, yw fest sur; sansoleth a dhelledh dhe'th chi, A Arloedh, bynitha.

Eksodus 18:16

pan vydh kedrynn dhedha, y tons dhymm ha my a vreus yntra den ha'y gentrevek, ha my a wra dhedha aswonn ordenansow Duw ha'y laghys.’

Lavarow Koth 2:6

Rag an Arloedh a re furneth, a'y anow y teu godhvos ha konvedhes,

Lavarow Koth 30:5

Pub ger a Dhuw yw purhes, skoes ywa dhe'n re a hwila skovva ynno.

Lavarow Koth 6:23

Rag an gorhemmynn yw lugarn ha'n dyskans yw golow, ha'n reprevow a dhyskybleth yw an fordh a vewnans,

Ysay 64:5

Ty a vet ganso ev neb a lowenha ha gul ewnder, neb a berth kov ahanas y'th fordhow. Otta, ty a sorras, ha ni a begha prest; mar siwyn dha fordhow, ni a vydh sawys.

Yeremia 15:16

Dha eryow a veu kevys, ha my a's dybris: ha'th heryow o lowender dhymm ha heudhder ow holonn: rag dha hanow re beu gelwys warnav, A Arloedh, Duw an luyow.

Ezekiel 36:27

My a worr ow Spyrys ynnowgh, ha gul dhywgh kerdhes y'm ordenansow, ha gwaytyas gwitha ow breusow.

Romanyon 3:20

Rag ny vydh denvyth justifiys der oberow an lagha, a-ban dheu aswonnvos pegh der an lagha.

Romanyon 7:22

Rag y lowenhav yn lagha Duw y'm kowses usi ynnov ow honan,

Romanyon 7:7

Pandr'a wren y leverel ytho? An lagha dhe vos pegh? Bynner re bo! Mes na ve an lagha, ny wodhvien pegh. Ny wodhvien hwans mar ny lavarra an lagha, ‘Na wra hwansa.’

Galatianys 2:19

Rag der an lagha my a verwis dhe'n lagha, may fewen vy dhe Dhuw. Krowsys veuv gans Krist;

Galatianys 3:21

Ytho yw an lagha erbynn ambosow Duw? Bynner re bo! Rag mar pe lagha res a allsa bewhe, ewnder a via devri dhiworth lagha;

Dewteronomi 16:11

Ty a lowenha a-rag an Arloedh dha Dhuw, ty, ha'th vab, ha'th vyrgh, ha'th was, ha'th vaghteth, ha'n Levyas usi y'th yetys, ha'n alyon, ha'n omdhivas, ha'n wedhwes usi yntredhowgh y'n tyller a wra an Arloedh dha Dhuw y dhewis, dhe wul dh'y hanow triga ena.

Dewteronomi 16:14

Lowenha y'th ty'goel, ty ha'th vab, ha'th vyrgh, ha'th was, ha'th vaghteth, ha'n Levyas, ha'n alyon, ha'n omdhivas, ha'n wedhwes usi y'th yetys.