Salmow 18:8 - An Bibel Kernewek 20234 (Kernewek Kemmyn)

⁸ Mog a yskynnas mes a'y dhewfrik, ha tan a'y anow, ow tevorya; kolennow a dardhas yn flammow a-dhiworto.

An Sowter 1997 2023

⁸ Mog a yskynnas mes a'y dhewfrik : ha tan a'y anow, ow tevorya; kolennow a dardhas yn flammow a-dhiworto.

Salmow 18:8 Iomraidhean Croise

Jenesis 19:28

Hag ev a viras war-woeles troha Sodom ha Gomorra ha trohag oll an plen a-dro, ha gweles, hag otta, yth esa mog an pow ow mos yn-bann kepar ha mog fornes.

Job 41:19

Faglennow ow leski a fros dhiworth y anow; ha gwrygh a dan a lamm yn-mes.

Salmow 104:32

Ev a vir orth an nor ha'n nor a gren, ev a doch an menydhyow hag i a veg.

Salmow 11:6

Ev a wra dhe golennow tan ha loskven koedha war an debeles avel glaw; gwyns gwyls a vydh kevrenn aga hanaf.

Salmow 21:9

Ty a's gwra kepar ha fornes a dan yn prys dha sorr. An Arloedh a's kollenk yn y goler, ha'n tan a's deber.

Salmow 50:3

Agan Duw a dheu, heb tewel, tan a dheber a-dheragdho, hag annawel veur a vydh a-dro dhodho.

Salmow 74:1

Prag, A Dhuw, re'gan skonsys bynitha? Prag y feg dha sorr orth deves dha beurva?

Ysay 24:18

Piwpynag a fio dhiworth tros an euth a goedh y'n pytt, ha piwpynag a yskynno dhiworth an pytt a vydh kechys y'n vaglenn. Rag fenestri an ughelder yw igerys ha selyow an norvys a gren.

Daniel 7:10

Liv a dan a resa ha tardha dhiworto; milvil a'n servya, hag yth esa ow sevel dheragdho deg milweyth deg mil. An vreuslys a esedhas, ha'n lyvrow a veu igerys.

Levitikus 10:2

Ha tan eth yn-mes dhiworth an Arloedh ha'ga howlleski, hag i a verwis dherag an Arloedh.

Amos 4:11

My a dhomhwelis rann ahanowgh, dell wrug Duw domhwel Sodom ha Gomorra. Kepar hag yttew y fewgh, tennys mes a'n tan, byttegyns ny dhehwelsowgh dhymm, yn-medh an Arloedh.

Niverow 11:1

Pan grodhvolas an bobel yn klewans an Arloedh a-dro dh'aga anfeus, an Arloedh a glewas; y sorr a veu enowys, ha tan an Arloedh a loskas yntredha, ha kowlleski nebes rannow pella a'n kamp.

Niverow 16:35

Ha tan a dheuth yn-mes dhiworth an Arloedh, hag a gowlloskas an dhew kans ha hanter kans gour ow profya an ynkys.

Dewteronomi 29:20

an Arloedh ny vynn gava dhodho; ena sorr an Arloedh ha'y avi a dhyllo mog erbynn an gour na, hag oll an volleth yw skrifys y'n lyver ma a wrowedh warnodho, ha'n Arloedh a dhefend y hanow a-dhann nev.

Diskwedhyans 11:5

Ha mar mynn nebonan aga fystiga, tan a dheu yn-mes a'ga ganow ha diswul aga eskerens, ha den mar mynn aga fystiga, res yw dhodho bos ledhys yndellma.