Salmow 148:8 - An Bibel Kernewek 20234 (Kernewek Kemmyn)

⁸ tan ha keser, ergh ha niwlrew; gwyns hag annawel ow kewera y er;

An Sowter 1997 2023

⁸ Tan ha keser, ergh ha niwlrew : gwyns hag annawel ow kewera y er;

Salmow 148:8 Iomraidhean Croise

Jenesis 19:24

Ena an Arloedh a asas glaw loskven dhe goedha war Sodom ha Gomorra ha tan dhiworth an Arloedh yn-mes a nev.

Job 37:12

I a dreyl a-dro der y gevarwoedhyans, i a wra an pyth yw gorhemmynnys ganso war enep an bys oll.

Salmow 103:20

Bennigewgh an Arloedh, hwi eledh ev, hwi alloesogyon a wra herwydh y er ev, seul a woslow orth y lev pan gews ev.

Salmow 18:12

Dhiworth an golewder a-ragdho y gommol a dremenas, keser ha kolennow tan.

Eksodus 10:13

Ytho Moyses a ystynnas y welenn dres pow Ejyp, ha'n Arloedh a dhros gwyns a'n howldrevel war an tir oll an jydh na hag oll an nos na; ha pan o myttin, gwyns an howldrevel a dhros an lokustes.

Eksodus 10:19

Ha'n Arloedh a dreylyas gwyns pur grev a'n howlsedhes, a dhrehevis an lokustes ha'ga herdhya y'n Mor Rudh; ny veu gesys lokust vyth yn pow Ejyp oll.

Eksodus 14:21

Ena Moyses a ystynnas y dhorn dres an mor; ha'n Arloedh a herdhyas an mor war-dhelergh dre wyns krev a'n howldrevel oll an nos, ha gul dhe'n mor bos dor sygh, ha'n dowrow a veu rynnys.

Ysay 66:16

Rag gans tan an Arloedh a wra breus, ha gans y gledha, war oll kig; ha pals vydh an re ledhys gans an Arloedh.

Yoel 2:30

My a dhiskwa marthusyon y'n nevow hag y'n norvys, goes ha tan ha kolovenyow a vog.

Levitikus 10:2

Ha tan eth yn-mes dhiworth an Arloedh ha'ga howlleski, hag i a verwis dherag an Arloedh.

Amos 4:13

Rag otta, ev neb a form an menydhyow ha gul an gwyns, neb a dheklar y vrys dhe vab-den; neb a dreyl an myttin dhe dewlder, ha stankya war dylleryow ughel an norvys – an Arloedh, Duw an luyow yw y hanow!

Amos 7:4

An Arloedh Duw a dhiskwedhas hemma dhymm: hag otta, yth esa an Arloedh Duw ow kelwel rag prov dre dan, ha'n tan a dhevoryas an islonk meur, hag a dhevoryas rann a'n tir.

Yona 1:4

Mes an Arloedh a dheghesis gwyns bras war an mor, hag yth esa annawel vras y'n mor, may feu an gorhel yn peryll a vos terrys.

Yona 1:5

Ha'n marners a's teva own, ha kria, peub war y dhuw y honan, ha tewlel mes an karg esa y'n gorhel bys y'n mor, may fo skaffa. Mes Yona galsa yn-nans bys y'n barth a-ji dhe'n lester, hag yth esa ow krowedha, down yn kosk.

Niverow 16:35

Ha tan a dheuth yn-mes dhiworth an Arloedh, hag a gowlloskas an dhew kans ha hanter kans gour ow profya an ynkys.

Yoshua 10:11

Pan esens ow fia a-rag Ysrael war an fordh yn-nans dhe Beth-horon, an Arloedh a dewlis keserennow bras warnedha dhiworth nev bys Azeka, hag i a verwis; moy anedha a verwis drefenn an keserennow es dell veu ledhys gans kledhedhyow an Ysraelysi.

Diskwedhyans 16:21

Ha keserennow mar vras avel kanspoes a goedhas a'n nev war dus, ha tus a vlasfemyas Duw drefenn pla an keser, rag bos y bla meur dres eghenn.