Salmow 146:10 - An Bibel Kernewek 20234 (Kernewek Kemmyn)

¹⁰ An Arloedh a reyn bynitha, dha Duw, A Sion, a unn henedh dhe'n nessa. Gormelewgh an Arloedh.

An Sowter 1997 2023

¹⁰ An Arloedh a reyn bynitha : dha Dhuw, A Sion, a unn henedh dhe'n nessa.

Salmow 146:10 Iomraidhean Croise

Salmow 10:16

An Arloedh yw Myghtern bys vykken ha bynnari; an kenedhlow res eth dhe goll yn-mes a'y dir ev.

Salmow 145:13

Dha wlaskor yw gwlaskor nevra a bes, ha'th vestrynses a dhur a unn henedh dhe'n nessa. An Arloedh yw len yn oll y eryow, ha grassyes yn oll y oberow.

Salmow 147:12

Gormel an Arloedh, A Yerusalem, gormel dha Dhuw, A Sion.

Eksodus 15:18

An Arloedh a reyn bys vykken ha bynnari.’

Ysay 12:6

Garm ha kan yn lowen, annedhyas Sion, rag bras yw Sans Ysrael y'n kres ahanas.

Ysay 40:9

Yskynn yn menydh ughel, A Sion, dyller nowodhow da; drehav dha lev gans nell, A Yerusalem, dyller nowodhow da; drehav e yn-bann heb own; lavar dhe sitys Yuda, ‘Otta dha Dhuw!’

Ysay 52:7

Ass yw teg war an menydhyow treys an gannas hag a dhre nowodhow da, neb a dhyllo kres ha derivas dader, neb a dhyllo selwyans; neb a lever dhe Sion, ‘Dha Dhuw a reyn.’

Ysay 9:7

Dhe ynkressyans an arloettys ha dhe gres ny vydh finweth, rag tron Davydh ha rag y vyghterneth, dh'y fastya ha dh'y skoedhya gans gwirvreus hag ewnder alemma rag ha bys vykken. Gwres Arloedh an luyow a wra hemma.

Daniel 2:44

Hag yn dydhyow an vyghternedh ma, y hwra Duw an nevow drehevel gwlaskor na vydh nevra diswrys, ha ny vydh hy myghternsys gesys dhe gen bobel. Hi a wra terri dhe demmyn ha distrui oll an ruvanethow ma, ha pesya bys vykken.

Daniel 6:26

Ordenans a wrav, yn pub arloetteth a'm ruvaneth, may hwrello tus krena ha kavoes own a-rag Duw Daniel, Rag ev yw an Duw bew, neb a dhur bys vykken; nevra ny vydh y wlaskor distruys, ha'y roweth a vydh bys y'n diwedh.

Daniel 7:14

Ha dhodho y feu res mestrynses, hag enor ha myghternsys; hag oll an poblow, kenedhlow ha tavosow a'n servyas. Y vestrynses yw mestrynses a dhur bys vykken a ny dremen dhe-ves, ha'y ruvaneth ny vydh distruys.

Yoel 3:17

Yndellma hwi a wodhvydh my dhe vos an Arloedh agas Duw, trigys yn Sion, ow menydh sans. Ha Yerusalem a vydh sans, ha nevra ny wra estrenyon tremena dredhi namoy.

Diskwedhyans 11:15

Ha'n seythves el a hwythas an hirgorn, hag yth esa levow bras yn nev ow leverel, ‘Gwlaskor an bys ma res eth ha bos gwlaskor agan Arloedh ha'y Grist, hag ev a reyn trank heb worfenn.’