Salmow 139:1 - An Bibel Kernewek 20234 (Kernewek Kemmyn)

¹ A Arloedh, ty re'm hwithras ha'm aswonn.

An Sowter 1997 2023

¹ A Arloedh, ty re'm hwithras ha'm aswonn : ty a aswonn ow esedha ha'm sevel, ty a gonvedh ow frederow a bellder.

Salmow 139:1 Iomraidhean Croise

2 Samuel 7:20

‘Ha pandr'a yll Davydh leverel moy dhis? Rag ty a aswonn dha was, A Arloedh Duw.

1 Myghternedh 8:39

ena klew yn nev dha drigva, gav, gweythres, ha ri dhe bub a aswonnydh y golonn herwydh y fordhow, rag ty unnsel a woer an pyth eus yn kolonn mab-den oll;

2 Myghternedh 19:27

‘Mes my a woer pan sevydh ha pan esedhydh, pan edh yn-mes ha pan dheudh a-ji, ha fatell gonnerydh er ow fynn.

1 Kroniklys 17:18

Pandr'a yll Davydh leverel moy dhis rag ty dhe enora dha was? Rag ty a aswonn dha was.

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

Salmow 139:23

Hwither vy, A Dhuw, ha godhvydh ow holonn; prov vy, ha godhvydh ow frederow;

Salmow 17:3

Ty re brovas ow holonn; ty re wrug vri ahanav y'n nos; ty re'm assayas ha ny gevsys sherewneth ynnov; ny vydh ow ganow ow pegha.

Salmow 44:21

a ny hwither Duw hemma? Rag ev a woer kevrinyow an golonn.

Yeremia 12:3

Mes ty, A Arloedh, a'm aswonn: ty a'm gwel, ha previ ow holonn a-ragos. Gwra aga thenna yn-mes avel deves dhe'n ladhva, ha'ga fareusi erbynn dydh an ar.

Yowann 21:17

Y'n tressa treveth yn-medh ev dhodho, ‘Simon mab Yowann, es'ta jy orth ow hara vy?’ Peder a gemmeras duwon, rag ev dhe leverel dhodho y'n tressa treveth, ‘Es'ta jy orth ow hara vy?’ Yn-medh ev dhodho, ‘Arloedh, ty a woer pup-tra, ty a woer my dhe'th kara.’ Yn-medh ev dhodho, ‘Mag ow deves.

Ebrowyon 4:13

Hag a-ragdho ev, nyns yw kudhys kreatur vyth, mes oll yw noeth hag igor dh'y dhewlagas ev, may tal dhyn gul akont dhodho.

Diskwedhyans 2:18

‘Ha dhe el an eglos yn Thyatira skrif: An taklow ma a lever Mab Duw a'n jeves dewlagas kepar ha flamm a dan, ha treys kepar ha brest fin:

Diskwedhyans 2:23

Ha my a ladh hy fleghes yn farow; ha'n eglosyow oll a wra godhvos ow bos neb a hwila an lonethi ha'n kolonnow: hag y rov dhywgh hwi pubonan war-lergh agas gwriansow.