Salmow 127:1 - An Bibel Kernewek 20234 (Kernewek Kemmyn)

¹ Marnas an Arloedh a dhrehav an chi, yn euver y lavur seul a'n drehav. Marnas an Arloedh a with an sita, yn euver y hwra an gwithyas goelyas.

An Sowter 1997 2023

¹ Marnas an Arloedh a dhrehav an chi : yn euver y lavur seul a'n drehav.

Salmow 127:1 Iomraidhean Croise

1 Myghternedh 5:12

Ytho an Arloedh a ros furneth dhe Solomon, dell ambosas dhodho. Yth esa kres yntra Hiram ha Solomon; ha'ga dew a wrug kevambos.

1 Kroniklys 28:10

Kemmer with lemmyn, rag an Arloedh re'th tewisas dhe dhrehevel chi rag an sentri; bydh krev, ha'n gwra.’

1 Kroniklys 28:20

Y'n eur na Davydh a leveris dhe Solomon y vab, ‘Bydh krev ha bydh kolonnek ha gwra an ober. Na borth own, na vydh digennerthys, rag yma genes an Arloedh Duw, ow Duw. Ny wra dha asa na dha eskasa erna vo gorfennys oll an ober rag servis chi an Arloedh.

1 Kroniklys 29:19

Gront dhe Solomon ow mab kolonn berfydh dhe witha dha worhemmynnow, dha dhustuniow ha'th ordenansow, dhe wul pup-tra, ha dhe dhrehevel an palys, a wrugavy y dharbari.’

Salmow 120:1

Y'm anken my a armas war an Arloedh, hag ev a worthybis dhymm.

Salmow 121:1

My a dhrehav ow dewlagas dhe'n menydhyow; a-ble teu ow gweres?

Salmow 122:1

Lowen en vy pan lavarsons dhymm, ‘Gwren ni mos bys yn chi an Arloedh.’

Salmow 123:1

Dhiso jy y trehavav ow dewlagas, ty neb yw esedhys war dha dron y'n nevow.

Salmow 124:1

Na ve an Arloedh genen ni, gwres Ysrael leverel;

Salmow 125:1

An re a fydh y'n Arloedh yw avel menydh Sion, na yll bos disevys, mes ev a dhur bys vykken.

Salmow 126:1

Pan dreylyas an Arloedh kethneth Sion, yth en ni kepar ha'n re owth hunrosa.

Salmow 72:1

A Dhuw, ro dha vreusow dhe'n myghtern, ha'th ewnder dhe vab an myghtern.

Salmow 78:69

Hag ena ev a dhrehevis y sentri mar ughel avel an nevow, avel an nor re fastyas bynitha.

Lavarow Koth 16:9

Brys den a dewl towl y fordhow, mes an Arloedh a gevarwoedh kammow y dhewdroes.

Ekklesiastes 9:11

My a dreylyas dhe weles yn-dann an howl nag yw pup-prys an resegva gwaynys gans an re yw skav, ha nag yw pup-prys an gas gwaynys gans an re yw galloesek, ha nag eus bara dhe'n re yw fur, ha nag eus rychys dhe'n re yw skentel, ha nag eus gras dhe'n re yw sleygh, drefenn bos ha termyn ha chons ow hwarvos dhedha i oll.

An Gan a Ganow 3:3

An woelysi a'm kavas, hag i ow mos a-dro y'n sita, ‘A welsowgh karadow ow enev?’

An Gan a Ganow 5:7

An woelyadoryon a'm kavas, hag i ow mos a-dro y'n sita; i a'm gweskis, i a'm golias, i a dennas ow mantell dhe-ves, goelyadoryon an fosow.

Ysay 27:3

My, an Arloedh, a's gwith; prest my a wra hy dowrhe. My a's gwith mo ha myttin rag na's pystikko nagonan.

Ysay 56:10

Y woelyadoryon yw dall, i oll yw heb godhvos; i oll yw keun avlavar na yllons hartha, owth hunrosa, ow krowedha, ow kara koska.

Ysay 62:6

War dha fosow, A Yerusalem, my re settyas goelyadoryon; oll an jydh hag oll an nos nevra ny dewons. Hwi neb a with an Arloedh yn kov na vedhes taw dhywgh,

Yeremia 51:12

Sevewgh baner erbynn fosow Babylon; krevhewgh an goel; settyewgh goelyadoryon; pareusewgh an kontrewaytyansow; rag an Arloedh re dewlis ha re wrug an pyth a gewsis a-dro dhe annedhysi Babylon.

Yeremia 51:31

Unn poenyer a boen dhe vetya ken onan, hag unn gannas dhe vetya ken onan, dhe leverel dhe vyghtern Babylon bos y sita kemmerys a benn dhe benn:

1 Korinthianys 15:14

ha mar ny veu Krist drehevys, euver yw agan pregoth, hag euver yw agas fydh.

1 Korinthianys 3:7

Rakhenna naneyl neb a blans na neb a dhowr ny vern, saw unnsel Duw neb a wra dhe devi.

Galatianys 4:11

Yma own dhymm ragowgh, my dhe lavurya war neb kor yn euver ragowgh.

Dewteronomi 8:18

Mes porth kov a'n Arloedh dha Dhuw, rag yth yw ev neb a re dhis nerth dhe wul golusogneth, rag may fastyo y gevambos a dos dhe'th tasow, kepar hag y'n jydh hedhyw.

Yoshua 2:2

Y feu derivys dhe vyghtern Yeriko ow leverel, ‘Awotta gwer a vebyon Ysrael a dheuth omma haneth rag aspia an tir.’