Salmow 12:5 - An Bibel Kernewek 20234 (Kernewek Kemmyn)

⁵ ‘Drefenn an voghosogyon dhe vos ravnys, drefenn kynvann an edhommogyon, lemmyn my a sev’, yn-medh an Arloedh; ‘my a'n gorr y'n sawder a yeun ev.’

An Sowter 1997 2023

⁵ ‘Drefenn an voghosogyon dhe vos ravnys : drefenn kynvann an edhommogyon,

Salmow 12:5 Iomraidhean Croise

Job 5:15

Mes ev a saw an edhommek dhiworth kledha aga ganow ha dhiworth leuv an re alloesek.

Job 5:21

Ty a vydh kudhys dhiworth skorja an taves, ha ny' fydh own a dhistruyans pan dheffo.

Salmow 10:12

Sav, A Arloedh; A Dhuw, drehav dha leuv; na ankov an voghosogyon.

Salmow 10:18

dhe ri gwirvreus dhe'n omdhivas ha'n den arweskys, ma na wrello den war an nor gorra own namoy.

Salmow 10:5

Y fordhow a sewen pup-prys; yma dha vreusow a-vann, yn-mes a'y wel; ev a hwyth orth y eskerens oll.

Salmow 31:19

Ass yw meur dha dhader, a dharbarydh dhe'n re a'th own, a wrussys rag an re a hwila skovva ynnos jy a-dherag mebyon den!

Salmow 34:6

An den truan ma a elwis, ha'n Arloedh a glewas, ha'y sawya a'y ankenyow oll.

Salmow 73:8

I a wra ges, ha kewsel yn spitus; i a wodros arwask, ughel aga fenn.

Eksodus 5:2

Mes Faro a leveris, ‘Piw yw an Arloedh may koelliv orth y lev ha gasa Ysrael dhe vones? Ny aswonnav an Arloedh, ha dhe voy ny asav Ysrael dhe vones.’

Lavarow Koth 14:31

Neb a arwask den boghosek a arvedh y Wrier, mes neb yw kuv dhe'n voghosogyon a'n enor.

Lavarow Koth 18:21

Yma mernans ha bewnans yn galloes an taves, ha keniver a'n karro a dheber y froeth.

Ekklesiastes 4:1

Ytho my a dreylyas arta dhe weles oll an arwask yw gwrys yn-dann an howl. Hag otta, dagrow an dus arweskys: ny's teves konforter; denvyth ny's delirv dhiworth nerth aga arwaskoryon; ny's teves konforter.

Ekklesiastes 5:8

Mar kwelydh arwask an boghosek ha ladrans a wirvreus hag ewnder yn rannvro, na borth marth a'n dra. Rag dres soedhek ughel yma soedhek ughella, ha dres an re ma yma tus ughella hwath.

Ysay 19:20

Ev a vydh tokyn ha dustuni dhe Arloedh an luyow yn pow Ejyp. Pan grions dhe'n Arloedh drefenn an arwaskoryon, ev a dhannvon dhedha selwador, hag ev a's menten ha'ga delivra.

Ysay 33:10

‘Lemmyn my a sev’, yn-medh an Arloedh, ‘lemmyn my a vydh ughelhes, lemmyn my a vydh eksaltys.

Ezekiel 18:18

Mes y das, drefenn ev dhe arwaska ha pylla y vreder, ha ny wrug da yn mysk y bobel, otta ev a verow drefenn y anewnder.

Hosea 7:16

Treylya a wrons – a-der war-vann; avel gwarak lows yns i. Aga fennsevigyon a goedh der an kledha drefenn anvri aga thaves. Yndella tus a wra ges anedha yn gwlas Ejyp.

Jamys 5:4

Otta, gobrow an wonisysi a vysas agas gwelyow hag a wrussowgh gwitha dhiworta yn fals, ymons ow karma; ha garmow an vysoryon re dhrehedhas diwskovarn Arloedh an luyow.

Breusysi 10:16

Yndella i a bellhas an duwow estren yn-mes anedha hag a servyas an Arloedh; ha ny allas ev perthi poenvos Ysrael na fella.