Salmow 118:6 - An Bibel Kernewek 20234 (Kernewek Kemmyn)

⁶ Yma an Arloedh a-barth dhymm; ny borthav own. Pandr'a yll den dhe wul dhymm?

An Sowter 1997 2023

⁶ Yma an Arloedh a-barth dhymm; ny borthav own : pandr'a yll den dhe wul dhymm?

Salmow 118:6 Iomraidhean Croise

Salmow 112:8

Fast yw y golonn, ha ny berth own, erna wello y vynnas war y eskerens.

Salmow 146:5

Gwynn y vys neb a'n jeves Duw Yakob yn gweres dhodho, hag yma y drest y'n Arloedh y Dhuw,

Salmow 23:4

Ha kyn kerdhav dre nans skeus ankow, ny borthav own a dhrog; rag yth esos genev; dha welenn ha'th lorgh a'm hebaskha.

Salmow 46:1

Duw yw agan skovva ha'gan nerth, gweres yn anken na fyll nevra.

Salmow 46:11

Yma Arloedh an luyow genen ni; Duw Yakob yw agan skovva. Sela.

Salmow 56:10

Yn Duw may hwormolav y er, y'n Arloedh may hwormolav y er,

Salmow 56:11

yn Duw y trestyav, ny borthav own; pandr'a yll den dhe wul er ow fynn?

Salmow 56:12

Yma dha ambosow warnav, A Dhuw; my a's tal dhis gans offrynnow grasyans.

Salmow 56:4

Yn Duw may hwormolav y er, yn Duw my a drest, ny borthav own; pandr'a yll kig dhe wul er ow fynn?

Salmow 56:5

Oll an jydh i a gammgemmer ow geryow; yma oll aga frederow er ow fynn rag drog.

Salmow 56:9

Ena y treyl ow eskerens war-dhelergh y'n jydh may halwav. Hemma a wonn; rag yma Duw genev.

Salmow 94:16

Piw a omdhrehav ragov erbynn an debeles? Piw a sev ragov erbynn an dhrogoberoryon?

Ysay 51:12

My, my yw neb a'gas konfort. Ytho piw osta jy may perthydh own a dhen hag a verow, hag a vab-den neb a wedher avel gwels?

Yeremia 20:11

Mes yma an Arloedh genev avel kasor fell; ytho ow helghysi a drebuch, ha ny wrons fetha; i a's tevydh meth meur, rag ny sewenons: ny vydh ankevys aga disenor bys vykken.

Romanyon 8:31

Pandr'a leveryn dhe'n taklow ma ytho? Mars usi Duw a-barth dhyn, piw eus er agan pynn?

Ebrowyon 13:6

Ytho, ni a lever yn kolonnek, ‘An Arloedh yw ow gwereser, ny'm bydh own; pandr'a yll den gul dhymm?’

1 Samuel 17:11

Pan leveris Sowl hag oll Ysrael geryow an Filistyas ma, sowdhenys ha dyegrys ens.

1 Samuel 17:37

Yn-medh Davydh, ‘An Arloedh neb a'm delivras dhiworth paw an lew ha dhiworth paw an ors, ev a'm delirv dhiworth dorn an Filistyas ma.’ Ha Sowl a leveris dhe Davydh, ‘Ke, ha re bo an Arloedh genes.’