Salmow 109:7 - An Bibel Kernewek 20234 (Kernewek Kemmyn)

⁷ Pan y'n breusir, des ev yn-mes kablus, ha bedhes y bysadow treylys dhe begh.

An Sowter 1997 2023

⁷ Bedhes y dhydhyow boghes : ha kemmeres ken onan y soedh.

Salmow 109:7 Iomraidhean Croise

Lavarow Koth 15:8

Sakrifis an debeles yw tra gasadow dhe'n Arloedh, mes pysadow an re ewnhynsek yw y dhelit.

Lavarow Koth 21:27

Sakrifis an debeles yw tra gasadow; kemmys moy pan y'n dro gans tebel borpos.

Lavarow Koth 28:9

Mar treyl nebonan y skovarn ma na glewo an lagha, y bysadow yw tra gasadow hogen.

Ysay 1:15

Pan ystynnowgh agas diwleuv, my a gudh ow dewlagas ragowgh; ynwedh pan wrewgh meur a bysadow, ny woslowav vy. Agas diwleuv yw leun a woes.

Ysay 66:3

Ladher ojyon yw kepar ha ladher gour; neb a sakrifi davas yw avello ev neb a derr konna ki; neb a dhrehav offrynn greun yw avello ev neb a offrynn goes hogh; neb a offrynn rann kovadh a frankynkys yw avello ev neb a vennik idol. I re dhewisas aga fordhow, hag yn aga thaklow kasadow aga enev y'n jeves delit.

Matthew 23:13

‘Go-hwi, skribys ha Fariseow, falswesyon, rag hwi a dhege gwlaskor nev erbynn tus; rag nyns ewgh agas honan a-bervedh ynno na ny esowgh dhe vones a-bervedh an re a vynn entra.

Romanyon 3:19

Lemmyn ni a woer, pypynag a lavarro an lagha kewsys yw dhe'n re usi yn-dann an lagha, rag may fo pub ganow deges, ha rag may fo an bys oll yn-dann vreus Duw.

Galatianys 3:10

Rag myns a fydh yn oberow an lagha yn-dann volleth; rag skrifys yw, ‘Milliges yw pubonan na bes yn oll an gorhemmynnow skrifys yn lyver an lagha, orth aga gul.’