Salmow 104:1 - An Bibel Kernewek 20234 (Kernewek Kemmyn)

¹ Bennik an Arloedh, ow enev. A Arloedh ow Duw, pur veur osta. Gwiskys osta yn enor ha splannder,

An Sowter 1997 2023

¹ Bennik an Arloedh, ow enev : A Arloedh ow Duw, pur veur osta; gwiskys osta gans enor ha splannder.

Salmow 104:1 Iomraidhean Croise

Salmow 103:22

Bennigewgh an Arloedh, oll y oberow, yn pub tyller a'y vaystri. Ow enev, bennik an Arloedh.

Salmow 104:35

Gas peghadoryon dhe vos kisys yn-mes a'n nor, ha na as an debeles dhe besya namoy. Bennik an Arloedh, ow enev. Gormelewgh an Arloedh.

Salmow 145:3

Meur yw an Arloedh hag ev a dal bos gormelys yn fras, ha ny yllir hwithra y veuredh.

Salmow 7:1

A Arloedh ow Duw, ynnos jy y hwilav skovva; saw vy dhiworth oll an re a'm helgh, ha gwra ow delivra,

Salmow 93:1

An Arloedh yw Myghtern, ev re omwiskas yn splannder; an Arloedh re omwiskas hag yma grogys a nerth a-dro dhodho. An norvys devri yw fastys, ma na yllir y dhisevel.

Salmow 95:3

Rag an Arloedh yw Duw meur, ha Myghtern meur dres oll duwow.

Salmow 96:6

Yma enor ha meuredh a-dheragdho; yma nerth ha tekter yn y sentri.

Ysay 59:17

Ev a wiskas ewnder avel hoberjon, ha basnett a selwyans war y benn; ev a wiskas dillas dial rag gwisk, hag omvaylya yn diwysykter avel mantell.

Yeremia 23:24

A yll gour omgudha yn tylleryow kudhys ma na'n gwelav? yn-medh an Arloedh. A ny wrav lenwel nev ha nor? yn-medh an Arloedh.

Daniel 7:9

Ha my ow mires, yth esa tronys settys yn-bann, ha'n Koth a'n dydhyow a esedhas; kann avel an ergh o y wisk, ha'y wols avel gwlan glan; flammow tan o y dron ha dhodho rosow a dan ow tewi.

Daniel 9:4

Pysi war an Arloedh ow Duw ha konfessya a wrug, ow leverel, ‘Ogh Arloedh, an Duw meur hag euthyk, neb a with an kevambos ha tregeredh rag an re a'n kar ha gwitha y worhemmynnow,

Habakkuk 1:12

A ny veus a'n dalleth, A Arloedh, ow Duw sans? Ny verwyn. A Arloedh, ty re's ordenas rag breus; A Garrek, ty re's fondyas rag keredh.