Salmow 102:2 - An Bibel Kernewek 20234 (Kernewek Kemmyn)

² Na gudh dha fas ragov yn dydh ow anken. Pleg dha skovarn dhymm; y'n jydh may halwav, fisten dhe worthybi dhymm.

An Sowter 1997 2023

² Na gudh dha fas ragov yn dydh ow anken : pleg dha skovarn dhymm; y'n jydh may halwav, fisten dhe worthybi dhymm.

Salmow 102:2 Iomraidhean Croise

Job 34:29

‘Mes pan yw ev tawesek, piw a'n dampen? Pan gudh ev y fas, piw a'n aspi? Mes yma ev a-ugh kenedhel hag a-ugh densys,

Job 7:21

Prag na evydh ow threuspass ha kemmeres dhe-ves ow hammweyth? Rag lemmyn my a wrowedh y'n doust; ty a'm hwila mes ny vydhav ena.’

Salmow 104:29

Pan gudhydh dha fas, dyegrys yns i; pan gemmerydh aga anall i a verow, ha treylya arta dh'aga doust.

Salmow 13:1

Pygemmys prys A Arloedh? A wredh ow ankevi bynitha? Pygemmys prys y kudhydh dha fas dhiworthiv?

Salmow 143:7

Fisten dhe worthybi dhymm, A Arloedh, rag ow spyrys a fyll. Na gudh dha fas ragov, ma na viv kepar ha'n re a dhiyskynn dhe'n pytt.

Salmow 17:1

Klew an ewnder, A Arloedh, goslow dhe'm garm; ro skovarn dhe'm pysadow mes a dhiwweus heb gil.

Salmow 22:19

Mes na vydh pell dhiworthiv, A Arloedh; ow nerth, deus uskis dhe'm gweres.

Salmow 27:9

Na gudh dha fas ragov; na dowl dha was dhe-ves yn sorr. Ty re beu ow gweres. Na wra ow gasa na forsakya, A Dhuw ow selwyans.

Salmow 31:2

Pleg dha skovarn dhymm; gwra ow delivra yn uskis; bydh dhymm karrek grev, ha kastell dhe'm selwel.

Salmow 40:13

Dre dha vodh, A Arloedh, salw vy; A Arloedh, deus uskis dhe'm gweres.

Salmow 69:17

Ha na gudh dha fas rag dha was, drefenn ow bos yn anken, gorthyp dhymm yn skon.

Salmow 70:1

A Dhuw, fisten dhe'm selwel; A Arloedh, deus uskis dhe'm gweres.

Salmow 71:2

Gwra ow delivra y'th ewnder ha'm difres; pleg dha skovarn dhymm ha'm sawya.

Eksodus 2:23

Ha dell hwarva y'n termyn hir na, myghtern Ejyp a verwis, ha mebyon Ysrael a gynis drefenn an gethneth ha kria, ha'ga kri a yskynnas dhe Dhuw, drefenn aga hethneth;

Eksodus 2:24

ha Duw a glewas aga hynvann ha Duw a borthas kov a'y gevambos gans Abraham, gans Ysak, ha gans Yakob.

Ysay 43:2

Pan dremenydh der an dowrow y fydhav genes, ha der an avonyow, ny livons warnas; pan gerdhydh dre dan, ny vydhydh leskys, ha ny wra an flamm dha woleski.

Ysay 65:24

Kyns i dhe elwel, my a worthyp; aga klewes, hag i hwath ow kewsel.

Ysay 8:17

My a worta an Arloedh neb a gudh y fas dhiworth chi Yakob, hag ynno y fydh ow govenek.

1 Korinthianys 10:13

Ny dheuva warnowgh temptasyon vyth nag yw kemmyn dhe vab-den. Lel yw Duw, ha ny wra ev agas gasa dhe vos temptys dres agas nerth, mes keffrys ha'n temptasyon ri fordh a dhiank a wra ev, rag may hyllowgh y berthi.