Salmow 102:1 - An Bibel Kernewek 20234 (Kernewek Kemmyn)

¹ A Arloedh, klew ow fysadow; ha re dheffo ow kri dhiso jy.

An Sowter 1997 2023

¹ A Arloedh, klew ow fysadow : ha re dheffo ow kri dhiso jy.

Salmow 102:1 Iomraidhean Croise

2 Kroniklys 30:27

Ena an oferysi ha'n Levysi a sevis yn-bann ha benniga an bobel, ha'ga lev o klewys; ha'ga fysadow a dheuth dh'y drigva sans yn nev.

Salmow 12:5

‘Drefenn an voghosogyon dhe vos ravnys, drefenn kynvann an edhommogyon, lemmyn my a sev’, yn-medh an Arloedh; ‘my a'n gorr y'n sawder a yeun ev.’

Salmow 143:4

Rakhenna ow spyrys a glamderas ynnov, ha'm kolonn a-bervedh ynnov a goedhas yn desper.

Salmow 143:7

Fisten dhe worthybi dhymm, A Arloedh, rag ow spyrys a fyll. Na gudh dha fas ragov, ma na viv kepar ha'n re a dhiyskynn dhe'n pytt.

Salmow 145:19

Ev a gollenow bodh an re a berth own anodho, hag ev a glew aga kri, hag ev a's selow.

Salmow 18:6

Y'm anken my a elwis war an Arloedh, ha dhe'm Duw y kriis vy rag gweres. Ev a glewas ow lev yn-mes a'n tempel, ha'm kri a-dheragdho a dheuth bys yn y dhiwskovarn.

Salmow 39:12

‘Klew ow fysadow, A Arloedh, ha ro skovarn dhe'm kri; na vydh tawesek orth ow dagrow. Rag alyon ov vy genes, godriger, avel ow thasow oll.

Salmow 42:4

My a berth kov a hemma, ow skoellya ow enev a-bervedh ynnov; fatell gerdhyn vy gans an routh orth aga hembronk dhe ji Duw; gans lev a lowena ha grasyans, yn mysk routh ow synsi goel.

Salmow 5:2

Goslow orth lev ow kri, ow Myghtern, ha'm Duw, rag dhiso jy y pysav.

Salmow 61:2

Dhiworth penn an nor y halwav warnas, pan yw gwann ow holonn. Hembronk vy dhe'n garrek yw ughella agesov.

Salmow 62:8

Trestyewgh ynno ev pup-prys, A bobel; dinewewgh agas kolonn a-dheragdho, rag Duw yw agan skovva. Sela.

Salmow 77:3

My a berth kov a Dhuw, ha moredhek ov vy; my a breder yn town, ha'm enev a glamder. Sela.

Eksodus 2:23

Ha dell hwarva y'n termyn hir na, myghtern Ejyp a verwis, ha mebyon Ysrael a gynis drefenn an gethneth ha kria, ha'ga kri a yskynnas dhe Dhuw, drefenn aga hethneth;

Kynvannow 3:44

Ty re omwiskas gans kommolenn, ma na dremen pysadow vyth.

Kynvannow 3:8

Ynwedh pan griav ‘Harow!’ ev a dhege yn-mes ow fysadow.

Luk 22:44

Ha devedhys yn angoes ev a bysi moy ter; ha'y hwys a dheuth ha bos kepar ha bannaghow a woes ow troppya war an dor.

Ebrowyon 5:7

Yn dydhyow y gig, Yesu a brofyas pysadow ha govynnadow, gans kriow ughel ha dagrow, dhe neb a ylli y dhelivra dhiworth mernans hag ev a veu klewys drefenn y own a Dhuw.

Breusysi 10:16

Yndella i a bellhas an duwow estren yn-mes anedha hag a servyas an Arloedh; ha ny allas ev perthi poenvos Ysrael na fella.

1 Samuel 9:16

‘A-vorow a-dro dhe'n termyn ma my a dhannvon dhis gour mes a bow Benyamin, ha ty a wra y untya avel rewler war oll ow fobel Ysrael. Ev a saw ow fobel a-dhiworth dorn an Filistysi. My re viras war ow fobel, drefenn aga garm dhe dhos dhymm.’