Salmow 100:5 - An Bibel Kernewek 20234 (Kernewek Kemmyn)

⁵ Rag da yw an Arloedh; y dregeredh a dhur bys vykken, ha'y lelder a dhur a unn henedh dhe'n nessa.

Salmow 100:5 Iomraidhean Croise

1 Kroniklys 16:34

Grassewgh dhe'n Arloedh, rag da yw, rag y dregeredh a dhur bys vykken.

2 Kroniklys 5:13

An hirgernysi ha'n ganoryon a junyas war-barth yn unnson yn gormola hag yn grasow dhe'n Arloedh. Keveylys gans hirgern ha gans symbalys, ha daffar menestrouthi arall, i a ganas gormola dhe'n Arloedh, ‘Rag ev yw da, ha'y dregeredh a dhur bys vykken’; ha'n chi, chi an Arloedh, o lenwys a gommolenn,

Ezra 3:11

I a ganas, ow korthybi an eyl dh'y gila, gans gormola ha grasyans dhe'n Arloedh, ‘Rag ev yw da, rag y dregeredh a dhur bys vykken war Ysrael.’ Hag oll an dus a armas gans garm vras, ow kormel an Arloedh, drefenn bos settys sel chi an Arloedh.

Salmow 103:17

Mes tregeredh an Arloedh re beu bythkweth hag a vydh bys vykken war an re a berth own anodho, ha'y ewnder dhe fleghes aga fleghes;

Salmow 106:1

Gormelewgh an Arloedh. Grassewgh dhe'n Arloedh, rag ev yw da, rag y dregeredh a dhur bys vykken.

Salmow 107:1

Grassewgh dhe'n Arloedh, rag ev yw da; rag y dregeredh a dhur bys vykken.

Salmow 107:15

A krassens i dhe'n Arloedh y dregeredh, ha'y varthusyon rag mebyon den!

Salmow 107:22

Ha gwrens i offrynna offrynnow grasyans, ha derivas y wriansow gans kanow lowena.

Salmow 107:8

A krassens i dhe'n Arloedh y dregeredh, ha'y varthusyon rag mebyon den!

Salmow 119:68

Da osta jy ha grassyes; dysk dhymm dha ordenansow.

Salmow 138:8

An Arloedh a gowlwra y vynnas ragov; dha dregeredh, A Arloedh, a dhur bys vykken; na dhispres oberow dha dhiwleuv.

Salmow 146:6

neb a formyas nev ha nor, an mor ha pup-tra eus ynno; neb a with gwiryonedh bynitha;

Salmow 25:8

Da hag ewn yw an Arloedh; rakhenna ev a dhysk dhe beghadoryon y'n fordh.

Salmow 36:5

Yma dha dregeredh, A Arloedh, y'n nevow, ha'th lenduri a dhrehedh bys y'n ebron.

Salmow 52:1

Prag y fostydh yn drogober, ty vreselyas? Tregeredh Duw a dhur oll an jydh.

Salmow 85:10

Tregeredh ha gwirder re omguntellas; ewnder ha kres re ammas an eyl dh'y gila.

Salmow 86:5

Rag ty, A Arloedh, yw kuv ha parys dhe ava, meur dha dregeredh orth oll an re a elow warnas.

Yeremia 33:11

lev lowender ha heudhder, lev an gour pries ha lev an venyn bries, lev an re a lever, hag i ow tri offrynnow grasyans yn chi an Arloedh: ‘Gormelewgh Arloedh an luyow, rag an Arloedh yw da, rag y dregeredh a dhur bys vykken.’ Rag my a dreyl kethneth an tir kepar hag y'n dalleth, yn-medh an Arloedh.

Mika 7:20

Ty a dhiskwa lenduri dhe Yakob ha tregeredh dhe Abraham, dell desys dh'agan tasow a-dhia'n dydhyow koth.

Nahum 1:7

Da yw an Arloedh, dinas yn dydh anken; hag ev a aswonn an re a drest ynno ev.

Luk 1:50

hag yma y dregeredh a unn henedh dhe'n nessa dhe'n re a berth own anodho.

Dewteronomi 7:9

Rakhenna godhvydh an Arloedh dha Dhuw dhe vos Duw, an Duw len, ow kwitha y gevambos ha'y dregeredh dhe'n re usi orth y gara hag ow kwitha y worhemmynnow, dhe vil henedh;

Titus 1:2

yn govenek bewnans heb worfenn a ambosas Duw, neb na wowlever, kyns termyn heb worfenn.