Salmow 10:16 - An Bibel Kernewek 20234 (Kernewek Kemmyn)

¹⁶ An Arloedh yw Myghtern bys vykken ha bynnari; an kenedhlow res eth dhe goll yn-mes a'y dir ev.

An Sowter 1997 2023

¹⁶ Torr bregh an tebelwas ha'n drogoberer : hwither y sherewneth ma na vo kevys namoy.

Salmow 10:16 Iomraidhean Croise

1 Kroniklys 29:11

Dhiso jy, A Arloedh, yw an braster, ha'n nerth, ha'n glori ha'n splannder, rag dhiso jy yw pup-tra yn nev ha nor. Dhiso jy, A Arloedh, yw an myghternsys, hag ughelhes os avel penn dres pup-tra.

Salmow 145:13

Dha wlaskor yw gwlaskor nevra a bes, ha'th vestrynses a dhur a unn henedh dhe'n nessa. An Arloedh yw len yn oll y eryow, ha grassyes yn oll y oberow.

Salmow 146:10

An Arloedh a reyn bynitha, dha Duw, A Sion, a unn henedh dhe'n nessa. Gormelewgh an Arloedh.

Salmow 29:10

An Arloedh a esedh yn y se war an liv; ha'n Arloedh a esedh avel Myghtern bys vykken.

Salmow 78:55

Hag ev a bellhas an kenedhlow a-dheragdha, hag a's rannas dhedha yn ertach, ha gul dhe loethow Ysrael triga yn aga thyldow i.

Salmow 9:15

An kenedhlow re sedhis y'n pytt a wrussons; y'n roes a gudhsons, aga throes aga honan re beu kechys.

Salmow 9:5

Ty re geredhis an kenedhlow, ty re dhistruis an tebelwas; ty re dhefendyas aga hanow dhe-ves bys vykken ha bynnari.

Salmow 9:8

hag ev a vreus an nor yn gwiryonedh; ev a re gwirvreus dhe'n poblow yn ewnhynseth.

Salmow 93:1

An Arloedh yw Myghtern, ev re omwiskas yn splannder; an Arloedh re omwiskas hag yma grogys a nerth a-dro dhodho. An norvys devri yw fastys, ma na yllir y dhisevel.

Eksodus 15:18

An Arloedh a reyn bys vykken ha bynnari.’

Ysay 33:22

Rag an Arloedh yw agan breusyas, an Arloedh yw agan rewler, an Arloedh yw agan myghtern; Ev yth yw neb a wra agan sawya.

Yeremia 10:10

Mes an Arloedh yw gwir Dhuw, ev yw an Duw bew, ha myghtern heb diwedh: orth y sorr an norvys a gren, ha ny yll an kenedhlow perthi y sorrvann.

Kynvannow 5:19

Ty, A Arloedh, a dhur bys vykken; dha se a bes a henedh dhe henedh.

Daniel 4:34

Orth diwedh an dydhyow, my, Nebukadnessar, a dhrehevis ow dewlagas dhe nev, ha'm skians a dheuth arta dhymm. My a vennigas an Ughella, ha gul gormel ha gologhas dhe'n neb a vew bys vykken. Rag y vestrynses yw mestrynses a bes vynitha, ha'y wlaskor a dhur a henedh dhe henedh;

Daniel 6:26

Ordenans a wrav, yn pub arloetteth a'm ruvaneth, may hwrello tus krena ha kavoes own a-rag Duw Daniel, Rag ev yw an Duw bew, neb a dhur bys vykken; nevra ny vydh y wlaskor distruys, ha'y roweth a vydh bys y'n diwedh.

Dewteronomi 8:20

Kepar ha'n kenedhlow usi an Arloedh orth aga distrui a-ragowgh, yndella y fydhowgh distruys, drefenn na woslewsowgh dhe lev an Arloedh agas Duw.

1 Timothi 1:17

Dhe Vyghtern an oesow, anvarwel, diwel, an unn Duw, re bo enor ha gordhyans trank heb worfenn. Amen.