Salmow 1:3 - An Bibel Kernewek 20234 (Kernewek Kemmyn)

³ Ev a vydh avel gwydhenn plynsys ryb goverow dowr, ow ri hy frut yn hy seson, ha ny wedher hy del. Hag yn pup-tra a wra, ev a sewen.

An Sowter 1997 2023

³ Ev a vydh avel gwydhenn plynsys ryb goverow dowr, ow ri hy frut yn hy seson : ha ny wedher hy del; hag yn pup-tra a wra, ev a sewen.

Salmow 1:3 Iomraidhean Croise

Jenesis 39:23

Ny wrug gwithyas an prison vri a dravyth re bia gorrys yn y leuv, rag yth esa an Arloedh ganso; ha dhe bup-tra a wre, an Arloedh a ros sewena.

Jenesis 39:3

Ha'y arloedh a welas bos an Arloedh ganso, ha'n Arloedh dhe wul pup-tra esa ow kul dhe seweni yn y dhorn.

2 Myghternedh 18:7

Yth esa an Arloedh ganso; ev a sewenis yn pup-tra a omgemmeras. Ev a rebellyas erbynn myghtern Assyria, ha ny'n servyas.

1 Kroniklys 22:11

Lemmyn, ow mab, re bo an Arloedh genes, may sewenni ha drehevel chi an Arloedh dha Dhuw dell gewsis ev ahanas.

1 Kroniklys 22:13

Ena ty a sewen mar kwaytydh gwitha an ordenansow ha'n breusow a erghis an Arloedh dhe Moyses rag Ysrael. Bydh krev, hag a golonn dha. Na borth own, na vydh digolonnek.

2 Kroniklys 31:21

Pub ober a omgemmeras ev yn servis chi Duw, ha herwydh an lagha ha'n gorhemmynn, ow hwilas y Dhuw, ev a'n gwrug gans kolonn leun, hag ev a sewenis.

2 Kroniklys 32:23

Lies a dhros offrynnow dhe'n Arloedh yn Yerusalem ha rohow fethus dhe Hezekia myghtern Yuda. Wosa henna y feu ughelhes yn golok oll an kenedhlow.

Job 14:9

hwath der an ethenn a dhowr hi a vleujyow ha dyllo eginyow kepar ha plans yowynk.

Job 22:28

Dha erviransow a vydh gwrys, ha golow a splann war dha fordhow.

Salmow 128:2

Rag ty a dheber frut dha lavur; gwynn dha vys, ha seweni ty a wra.

Salmow 129:8

Ha ny lever an dremenysi, ‘Re bo bennath an Arloedh warnowgh; ni a'th vennik yn hanow an Arloedh.’

Salmow 92:14

I a dheg frut hwath yn aga hothni, hag y fydhons yr ha glas,

Salmow 92:15

rag may teriffons an Arloedh dhe vos ewnhynsek; ow harrek yw ev, ha nyns eus kammhynseth ynno.

Ysay 27:11

Pan yw sygh hy skorrow, yth yns terrys dhe-ves; benynes a dheu ha'ga enowi. Rag homm yw pobel heb konvedhes; rakhenna ny gemmer aga Kreador truedh anedha, ha ny dhiskwedh aga Gwrier favour dhedha.

Ysay 3:10

Leverewgh dhe'n den gwiryon, y fydh da ragdho, rag i a dheber frut aga gwriansow.

Ysay 44:4

Hag i a dyv kepar dell vens yn mysk gwels, avel helyk ryb stredhow dowr.

Ysay 58:11

An Arloedh a'th hembronk prest, ha sostena dha enev yn tylleryow sygh ha krevhe dha eskern. Ty a vydh avel lowarth dowrhes, hag avel fenten dowr ma na fyll hy dowrow.

Yeremia 17:8

Rag ev a vydh avel gwydhenn plynsys ryb dowr, ow lesa hy gwreydh ryb an dowrhyns, mes ny berth own pan dheu an toemmder, mes hy delyow a vydh glas; hag yn blydhen syghor ny'n jevydh fienasow, na ny hedh a dhoen frut.

Ezekiel 17:8

Y feu treusplynsys dhe dhor da ryb lies dowr dhe wul skorr ha dhe dhoen frut, dhe vos gwinbrenn bryntin.

Ezekiel 19:10

Dha vamm o avel gwinbrenn y'th winlann plynsys ryb dowr; feyth o hi, ha tew gans skorrennow drefenn palster dowr.

Ezekiel 31:5

Rakhenna hy ughelder o brassa ages oll gwydh an mes; y skorrennow a ynkressyas, ha'y barrennow a devis hir dre reson an dowrow pals.

Ezekiel 47:12

Ryb an avon, war hy diw lann, y tyv gwydh a bub kinda rag boes, ma na wedher aga del, na ny fyll aga frut, mes i a dheg frut nowydh, rag bos aga dowrow dhiworth an sentri. Aga frut a vydh rag boes, ha'ga del rag yaghheans.’

Niverow 24:6

Yth omystynnons avel nansow pell, avel lowarthyow ryb avon, avel aloewydh re blansas an Arloedh, avel kederwydh ryb an dowrow.

Matthew 13:6

ha pan o an howl drehevys, y feu goleskys; ha rag nag esa gwreydhenn dhedhi, y feu desyghys.

Matthew 21:19

Hag ow kweles unn figbrenn ryb an fordh, ev a dheuth dhodho, mes ny gavas travyth warnodho saw unnsel delyow, hag yn-medh ev dhodho, ‘Na dhes frut dhiworthis na fella bys vykken!’ Ha dihwans an figbrenn a wedhras.

Matthew 21:34

Ha pan esa prys an drevas ow nesa, ev a dhannvonas y gethwesyon dhe'n diogyon rag kavoes y drevas.

Matthew 21:41

Yn-medhons dhodho, ‘Ev a dhistru an debeles na yn hager, ha settya an winlann dhe diogyon erell, neb a vynn ri dhodho an drevas yn hy frys.’

Yowann 15:6

Piwpynag na drikko ynnov yw tewlys dhe-ves kepar ha skorrenn, hag a wedher; tus a wra aga huntell, ha'ga thewlel y'n tan, ha leskys yns.

Dewteronomi 28:8

An Arloedh a worhemmynn an vennath warnas ha war dha skiberyow ha war bup-tra may hworrydh dha leuv warnodho; hag ev a'th vennik y'n tir a wra an Arloedh dha Dhuw y ri dhis.

Lyther Yud 1:12

An re ma yw kudhys, kepar dell vens i morgribow, yn agas prysyow-boes a gerensa, hag a wra kevewya heb own kepar ha bugeledh owth omvaga: kommolennow heb dowr, degys hwymm-hwamm gans an awelyow, gwydhennow yn kynyav helergh heb frut vyth, diwweyth marow, diwreydhys;

Diskwedhyans 22:2

Yn kres hy stret, hag orth pub tu a'n avon, yma gwydhenn bewnans, ow toen dewdhek trevas a frut, ow ri hy frut pub mis, hag yma del an wydhenn rag yaghheans an kenedhlow.