Ruth 4:6 - An Bibel Kernewek 20234 (Kernewek Kemmyn)

⁶ Yn-medh an neskar, ‘Ny allav vy y dhasprena ragov vy ow honan, ma na dhistruiv ow eretons vy. Gwra y dhasprena dha honan, drefenn na allav vy y dhasprena.’

Ruth 4:6 Iomraidhean Croise

Jenesis 38:8

Hag yn-medh Yuda dhe Onan, ‘Ke a-bervedh dhe wreg dha vroder ha gwra dha dhever dhedha avel broder dre lagha, ha drehav has dhe'th vroder.’

Levitikus 25:25

Mars yw dha vroder devedhys ha bos boghosek hag ev a werth y berghennogeth, ena res yw y neshevin dhe dhos ha dasprena an pyth re werthas y vroder.

Dewteronomi 25:7

Mar ny vynn an gour kemmeres gwreg y vroder, ena gwres gwreg y vroder mos yn-bann dhe'n yet dhe'n henavogyon ha leverel, ‘Ow broder dre lagha a skon a wul dhe hanow y vroder pesya yn Ysrael; ny vynn gul dhymm dever broder dre lagha.’

Dewteronomi 25:8

Ena henavogyon y dre a elow dhodho, ha kewsel ganso. Mar sev fast ha leverel, ‘Ny vynnav hy hemmeres’,

Dewteronomi 25:9

ena gwreg y vroder a dheu nes dhodho a-wel dhe'n henavogyon, ha remova y sandal a-dhiworth y droes ha trewa yn y fas, ha gorthybi ha leverel, ‘Yndella y fydh gwrys dhe'n gour na dhrehav chi y vroder.’

Ruth 2:20

Hag yn-medh Naomi dh'y gohydh, ‘Bennigys re bo ev gans an Arloedh na forsakyas y dregeredh troha'n re vew ha'n re varow.’ Ha Naomi a leveris dhedhi, ‘An gour ma yw neskar dhyn, onan a'gan dasprenysi ywa.’

Ruth 3:13

Gorta omma haneth, ena ternos vyttin; ytho, mar fynn ev dha dhemmedhi, yndella re bo, ha mar ny vynn ev gul yndella, ena my a vynn dha dhemmedhi, mar sur dell vew an Arloedh. Kosk omma bys vyttin.’

Ruth 3:9

Hag yn-medh ev, ‘Piw osta?’ Ha hi a worthybis dhodho, ‘Ruth ov vy, dha vaghteth. Gwra lesa dha lostenn dres dha vaghteth, rag dha vos agan neskar.’