Ruth 4:11 - An Bibel Kernewek 20234 (Kernewek Kemmyn)

¹¹ Hag oll an bobel esa y'n yet, ha'n henavogyon, a worthybis, ‘Dustunioryon on ni. Re wrello an Arloedh dhe'n venyn usi ow tos a-berth y'th chi bos kepar ha Raghel ha Lea, neb aga diw a dhrehevis chi Ysrael, ha re sewenni yn Efratha ha dos ha bos den a vri yn Bethlehem.

Ruth 4:11 Iomraidhean Croise

Jenesis 23:10

Yth esa Efron owth esedha yn mysk mebyon Heth, hag Efron an Hittyas a worthybis Abraham yn klewans mebyon Heth, a beub esa ow tremena dre yet an sita, ow leverel,

Jenesis 24:60

Hag i a vennigas Rebeka ha leverel dhedhi, ‘Agan hwoer osta; re bi mamm dhe vilyow a dhegow a vilyow, ha re berghenno dha has yet an re a's kas.’

Jenesis 29:16

Dhe Laban yth esa diw vyrgh. Hanow an kottha o Lea, ha hanow an yowynka, Raghel.

Jenesis 29:25

Mes ternos vyttin, otta, yth o hi Lea, hag yn-medh ev dhe Laban, ‘Pyth yw hemma re wruss'ta dhymmo? A ny wrug vy servya genes seyth blydhen rag Raghel? Prag y hwruss'ta ow thoella?’

Jenesis 29:32

Ha Lea a gonsevyas ha dineythi mab ha gelwel y hanow Rewben: rag hi a leveris, ‘An Arloedh re viras devri war ow galarow, rag ow gour a'm kar lemmyn.’

Jenesis 35:23

Mebyon Lea: Rewben kynsa-genys Yakob, ha Simeon, ha Levi, ha Yuda hag Yssakar ha Zebulun.

Jenesis 35:24

Mebyon Raghel: Yosep ha Benyamin.

1 Myghternedh 21:8

Ytho hi a skrifas lytherow yn hanow Ahab ha'ga selya gans y sel; hi a dhannvonas an lytherow dhe'n henavogyon ha dhe'n ugheloryon esa trigys gans Naboth yn y sita.

1 Kroniklys 2:51

Salma tas Bethlehem, ha Haref tas Beth-gader.

Salmow 132:6

Otta, ni a glewas anedhi yn Efratha, ha'y havoes yn gwelyow an koes.

Lavarow Koth 14:1

An venyn fur a dhrehav hy chi, mes follneth gans hy diwla hy honan a'n terr dhe'n dor.

Lavarow Koth 31:23

Hy gour yw aswonnys yn yetow an sita, pan esedh yn mysk henavogyon an tir.

Yeremia 32:10

My a sinas an chartour, ha'y selya, ha kemmeres dustunioryon, ha poesa an arghans war vantolyow.

Mika 5:2

Ha ty, Bethlehem Efratha, byghan kynth os yn mysk teyluyow Yuda, yn-mes ahanas y teu dhymm nebonan a vydh rewler yn Ysrael, may feu y dhalleth a'n termyn koth, a dhydhyow pell tremenys.

Matthew 2:6

“Ha ty, Bethlehem, pow Yuda, nyns os mann an lyha yn mysk gwelhevin Yuda, rag yn-mes ahanas y teu hembrenkyas neb a wra bugelya ow fobel Ysrael.” ’

Dewteronomi 25:7

Mar ny vynn an gour kemmeres gwreg y vroder, ena gwres gwreg y vroder mos yn-bann dhe'n yet dhe'n henavogyon ha leverel, ‘Ow broder dre lagha a skon a wul dhe hanow y vroder pesya yn Ysrael; ny vynn gul dhymm dever broder dre lagha.’

Dewteronomi 25:9

ena gwreg y vroder a dheu nes dhodho a-wel dhe'n henavogyon, ha remova y sandal a-dhiworth y droes ha trewa yn y fas, ha gorthybi ha leverel, ‘Yndella y fydh gwrys dhe'n gour na dhrehav chi y vroder.’

Ruth 1:2

Hanow an gour o Elimelek, ha hanow y wreg o Naomi, ha'y dhew vab o Mahlon ha Kilyon, a deylu Efratha yn Bethlehem-yuda; hag i a dheuth yn tiredh Moab ha gortos ena.