Ruth 3:3 - An Bibel Kernewek 20234 (Kernewek Kemmyn)

³ Ytho gwra omwolghi, hag omuntya hag omwiska, ha ke yn-nans dhe'n leur-drushya. Mes gwayt na as dhe'n gour godhvos dha vos ena bys pan worfenno ev dybri hag eva.

Ruth 3:3 Iomraidhean Croise

2 Samuel 12:20

Ena Davydh a sevis a'n dor, hag omwolghi, hag ura y honan, ha chanjya y dhillas. Ev eth a-ji dhe ji an Arloedh, ha gordhya; ena ev eth dh'y ji y honan; ha pan wovynnas, i a settyas boes dheragdho hag ev a dhybris.

2 Samuel 14:2

Ytho Yoab a dhannvonas dhe Tekoa ha kyrghes alena benyn fur, ha leverel dhedhi, ‘My a'th pys, omwra kynores, ha gwisk yn dillas kynvann, ha na wra untya dha honan gans oyl, ha bydh avel benyn re beu ow kyni lies dydh rag den marow:

Ester 5:1

Lemmyn y'n tressa dydh, Ester a wiskas hy dillas ryel; ha sevel a wrug y'n klos pervedhel a balys an myghtern a-dal hel an myghtern. Yth esa an myghtern esedhys war y se ryel y'n hel ryel a-dal porth an palys.

Salmow 104:15

ha gwin a heudhha kolonn den, hag olew dhe wul dh'y fas dewynnya, ha bara a grevha kolonn den.

Ekklesiastes 9:8

Pup-prys bedhes gwynn dha dhillasow, ha gwayt na falla unyent y'th penn.

Ezekiel 16:9

Ena my a'th vadhyas yn dowr, ha golghi dha woes dhiworthis, ha'th untya gans olew.

Matthew 6:17

Mes ty pan wrylli penys, gwra ura dha benn ha golgh dha fas,

Ruth 3:2

Lemmyn, Boaz, mayth eses owth oberi gans y vaghtethyon, a nyns yw ev agan neskar? Otta, haneth yn nos yma ev ow kwynsella heydh dhe'n leur-drushya.

Ruth 3:4

Pan wrowedh ev dhe goska, merk an tyller may hwrowedh. Ena ke, gwra diskudha y dreys ha growedha rybdho. Ev a wra derivas dhis an pyth a dhegoedh dhis y wul.’