Ruth 2:8 - An Bibel Kernewek 20234 (Kernewek Kemmyn)

⁸ Hag yn-medh Boaz dhe Ruth, ‘A ny wruss'ta klewes, ow myrgh? Na ge dhe guntell gesigow yn ken gwel, ha na dremen alemma, mes glen ogas orth ow maghtethyon.

Ruth 2:8 Iomraidhean Croise

2 Myghternedh 5:13

Mes y wesyon a dheuth dhodho ha leverel, ‘Ow thas, mara'th pyssa an profoes a wul neppyth kales, a ny wrusses y wul? Pygemmys moy pan lever ev dhis, “Omwolgh ha bydh glan”?’

Levitikus 19:9

Pan vysowgh trevas agas tir, ny vysydh yn tien sornow dha wel, na ny wre'ta kuntell gesigow dha drevas.

Matthew 9:2

Hag ena i a dhug dhodho unn palsi a'y wrowedh war weli. Yesu pan welas aga fydh a leveris dhe'n palsi, ‘Gwellha dha jer, ow flogh; gevys yw dha beghosow.’

Matthew 9:22

Mes Yesu a dreylyas, hag orth hy gweles, yn-medh ev, ‘Gwellha dha jer, ow myrgh; dha fydh re'th sawyas.’ Ha'n venyn a veu sawys a'n eur na.

Filippianys 4:8

Wor'tiwedh, a vreder, pypynag a vo gwir, pypynag a vo onest, pypynag a vo gwiryon, pypynag a vo glan, pypynag a vo plegadow, pypynag a vo gerys-da, mars eus vertu, mars eus gordhyans, prederewgh a'n taklow ma.

Ruth 2:7

Ha hi a wovynnas, “Gas vy dhe guntell gesigow, my a'th pys, yn mysk an manalow a-dryv an vysoryon.” Ytho hi a dheuth hag oberi a-dhia'n myttin bys y'n eur ma, marnas hi a esedhas pols y'n chi.’

Ruth 2:9

Gwra attendya an gwel a wrons i mysi, ha mos war aga lergh. A ny wrugavy gorhemmynna dhe'n wesyon na wrellons dha dochya, ha pan vo syghes dhis, ena ty a yll mos dhe'n lestri hag eva a'n dowr a wra an wesyon tenna.’

1 Samuel 3:16

Hag Eli a elwis Samuel ha leverel, ‘Samuel, ow mab.’ Hag ev a worthybis, ‘Ottavy.’

1 Samuel 3:6

Ha'n Arloedh a elwis arta, ‘Samuel!’ Ha Samuel a sevis ha mos dhe Eli ha leverel, ‘Ottavy, rag ty a'm elwis.’ Hag ev a worthybis, ‘Ny elwis, ow mab; growedh arta.’