Ruth 2:20 - An Bibel Kernewek 20234 (Kernewek Kemmyn)

²⁰ Hag yn-medh Naomi dh'y gohydh, ‘Bennigys re bo ev gans an Arloedh na forsakyas y dregeredh troha'n re vew ha'n re varow.’ Ha Naomi a leveris dhedhi, ‘An gour ma yw neskar dhyn, onan a'gan dasprenysi ywa.’

Ruth 2:20 Iomraidhean Croise

2 Samuel 2:5

Davydh a dhannvonas kannasow dhe wer Yabesh-gilead ha leverel dhedha, ‘Bennigys owgh gans an Arloedh drefenn hwi dhe wul an tregeredh ma dh'agas arloedh, dhe Sowl, ha'y ynkleudhyas.

2 Samuel 9:1

Davydh a wovynnas, ‘Eus hwath nebonan yw gesys a ji Sowl, may hallav diskwedhes dhodho tregeredh drefenn Yonathan?’

Job 19:25

Rag my a woer ow dasprenyas dhe vos yn few, hag ev dhe sevel wortiwedh war an dor;

Lavarow Koth 17:17

Koweth a gar pup-prys, ha broder yw genys rag gweres yn droglamm.

Levitikus 25:25

Mars yw dha vroder devedhys ha bos boghosek hag ev a werth y berghennogeth, ena res yw y neshevin dhe dhos ha dasprena an pyth re werthas y vroder.

Filippianys 4:10

Mes my a lowenhas yn feur y'n Arloedh, rag hwi dhe wul dh'agas preder a-dro dhymm dasvleujyowa – hwi a wre prederi yn hwir, mes nyns esa spas dhywgh.

Ruth 2:21

Hag yn-medh Ruth, an venyn a Moab, ‘Yn sur ev a leveris dhymm, “Y koedh dhis glena ogas dhe'm gwesyon bys may hwrellons i gorfenna kuntell oll an drevas yw dhymm.” ’

Ruth 3:12

Lemmyn, gwir yw ow bos neskar, mes yma neskar arall neb yw kar nes es dell ov vy.

Ruth 4:14

Hag yn-medh an benynes dhe Naomi, ‘Benniges re bo an Arloedh, na wrug dha asa heb neskar hedhyw. Re bo aswonnys y hanow yn Ysrael.

Ruth 4:4

Ytho, yn-medhav, my a wra derivas dhis, ow leverel, gwra y brena a-rag an dus usi owth esedha omma hag a-rag henavogyon ow fobel. Mar mynnydh y dhasprena, yndella re bo, ha mar ny vynn'ta y wul, deriv e dhymm, may hwodhviv. Ty yw an kynsa a yll y dhasprena, ha my yw an nessa wosa ty.’ Ev a worthybis, ‘Y dhasprena a wrav.’

Ruth 4:6

Yn-medh an neskar, ‘Ny allav vy y dhasprena ragov vy ow honan, ma na dhistruiv ow eretons vy. Gwra y dhasprena dha honan, drefenn na allav vy y dhasprena.’