Ruth 2:2 - An Bibel Kernewek 20234 (Kernewek Kemmyn)

² Hag yn-medh Ruth an venyn a Moab dhe Naomi, ‘Gas vy dhe vos, my a'th pys, a-berth y'n gwel dhe guntell gesigow an ys war-lergh nebonan may kavav gras yn y dhewlagas.’ Ha hi a leveris dhedhi, ‘Ke, ow myrgh.’

Ruth 2:2 Iomraidhean Croise

Jenesis 32:6

Ha'n kannasow a dhehwelis dhe Yakob ow leverel, ‘Ni a dheuth dhe'th vroder, dhe Esaw; hag yma ev ow tos dhe'th vetya, ha ganso peswar kans gour.’

Levitikus 19:10

Ny wre'ta destryppya dha winlann, na kuntell an grappys yw koedhys. Ty a's gas rag an voghosogyon ha'n alyons. An Arloedh agas Duw ov vy.

Levitikus 19:16

Ny wre'ta mos a-dro ow leverel sklander yn mysk dha bobel, na sevel erbynn goes dha gentrevek. An Arloedh ov vy.

Levitikus 19:9

Pan vysowgh trevas agas tir, ny vysydh yn tien sornow dha wel, na ny wre'ta kuntell gesigow dha drevas.

Levitikus 23:22

Ha pan vysowgh trevas agas tir, ny vysydh yn tien sornow dha wel, na ny wre'ta kuntell gesigow dha drevas. Ty a's gas rag an voghosogyon ha'n alyons. An Arloedh agas Duw ov vy.

Ruth 2:3

Hag yth eth ha kuntell gesigow y'n gwel war-lergh an vysoryon, ha par happ perghennek an rann na a'n gwel o Boaz, a deylu Elimelek.

Ruth 2:7

Ha hi a wovynnas, “Gas vy dhe guntell gesigow, my a'th pys, yn mysk an manalow a-dryv an vysoryon.” Ytho hi a dheuth hag oberi a-dhia'n myttin bys y'n eur ma, marnas hi a esedhas pols y'n chi.’

1 Samuel 1:18

Ha hi a leveris, ‘Gwres dha vaghteth kavoes gras y'th wolok.’ Ena an venyn eth war hy fordh ha dybri, ha nyns o hy fas trist na fella.