Ruth 2:10 - An Bibel Kernewek 20234 (Kernewek Kemmyn)

¹⁰ Ha hi a goedhas war hy fas hag omblegya dhe'n dor, ha leverel dhodho, ‘Prag y kevis vy gras y'th tewlagas, ty dhe'm aswonn, ha my estren?’

Ruth 2:10 Iomraidhean Croise

Jenesis 18:2

Hag ev a dhrehevis y dhewlagas ha mires, hag awotta, yth esa tri gour ow sevel a-dal dhodho, ha pan y's gwelas ev a boenyas dh'aga metya dhiworth daras an tylda hag omblegya dhe'n dor

2 Samuel 19:28

Rag oll chi ow thas a veu gwer ow tervynn an mernans dherag ow arloedh; hwath ty a settyas dha was yn mysk an re a dheber orth dha voes. Ytho py reyth eus dhymm kria moy dhe'n myghtern?’

2 Samuel 7:18

Ena myghtern Davydh eth a-ji hag esedha dherag an Arloedh ha leverel, ‘Piw ov vy, A Arloedh Duw, ha pandr'yw ow chi, ma'm dresys omma?

2 Samuel 9:8

Ev a omblegyas ha gorthybi, ‘Pandr'yw dha was, may firsys war gi marow kepar ha my?’

Levitikus 19:34

An alyon trigys genowgh a vydh dhywgh kepar ha genesik yntredhowgh. Ty a'n kar kepar ha ty dha honan, rag hwi o alyons yn pow Ejyp. An Arloedh agas Duw ov vy.

Matthew 25:35

Rag nown a'm beu ha hwi a ros dhymm dhe dhybri, syghes a'm beu ha hwi a ros dhymm dhe eva, estren en vy, ha hwi a'm wolkommas,

Luk 1:43

Ha prag yth yw hemma grontys dhymm, mamm ow Arloedh dhe dhos dhymmo vy?

Luk 1:48

rag ev re viras war uvelder y vaghteth. Rag otta, alemma rag oll an henedhow a'm gelow gwynnvys;

Romanyon 12:10

ow kara an eyl y gila, yn keskerensa, ow kesstrivya an eyl gans y gila ow tiskwedhes enor;

Ruth 2:11

Ha Boaz a worthybis ha leverel dhedhi, ‘Y feu leverys dhymm oll yn tien pup-tra re wruss'ta gul gans dha hweger, wosa mernans dha wour, ha ty a asas dha das ha'th vamm, ha pow dha enesigeth ha dos a-berth yn pobel na aswonnsys kyns.

Ruth 2:13

Hag yn-medh hi, ‘Gas vy dhe gavoes gras y'th tewlagas, ow arloedh, drefenn ty dhe'm konfortya, ha drefenn ty dhe gewsel orth kolonn dha vaghteth – ha my, nyns ov vy kepar hag onan a'th vaghtethyon.’

Ruth 2:19

Yn-medh hy hweger dhedhi, ‘Ple hwruss'ta kuntell gesigow hedhyw? Ple hwruss'ta oberi? Re bo benniges neb a'th attendyas.’ Ha hi a dherivas orth hy hweger hanow an gour a wrug hi oberi ganso, ow leverel, ‘Hanow an gour a wrug vy oberi ganso yw Boaz.’

Ruth 2:2

Hag yn-medh Ruth an venyn a Moab dhe Naomi, ‘Gas vy dhe vos, my a'th pys, a-berth y'n gwel dhe guntell gesigow an ys war-lergh nebonan may kavav gras yn y dhewlagas.’ Ha hi a leveris dhedhi, ‘Ke, ow myrgh.’

Ruth 2:9

Gwra attendya an gwel a wrons i mysi, ha mos war aga lergh. A ny wrugavy gorhemmynna dhe'n wesyon na wrellons dha dochya, ha pan vo syghes dhis, ena ty a yll mos dhe'n lestri hag eva a'n dowr a wra an wesyon tenna.’

1 Samuel 25:23

Pan welas Abigayl Davydh, hi a fistenas ha diyskynna dhiworth an asen, ha koedha a-rag Davydh war hy fas hag omblegya dhe'n dor.