Ruth 1:6 - An Bibel Kernewek 20234 (Kernewek Kemmyn)

⁶ Ha hi a sevis ha dehweles a diredh Moab, ha'y gohydhow gensi, drefenn hi dhe glewes yn tiredh Moab an Arloedh dhe wul vri a'y bobel, ow ri dhedha bara.

Ruth 1:6 Iomraidhean Croise

Jenesis 21:1

Ha'n Arloedh eth dhe weles Sara dell wrussa leverel, ha'n Arloedh a wrug dhe Sara kepar dell lavarsa.

Jenesis 28:20

Ha Yakob a ambosas ambos, ow leverel, ‘Mar pydh Duw genev ha'm gwitha y'n fordh ma mayth esov ow mos, ha ri dhymm bara dhe dhybri ha dillas dhe wiska,

Jenesis 48:15

Hag ev a vennigas Yosep, ow leverel, ‘An Duw may hwre kerdhes dheragdho ow thasow Abraham hag Ysak, An Duw re beu bugel dhymm der ow bewnans oll bys y'n jydh hedhyw,

Jenesis 50:25

Ha Yosep a wrug dhe vebyon Ysrael gul ti, ow leverel, ‘Sur yw, y fydh Duw orth agas visitya, ha hwi a dheg ow eskern yn-bann alemma.’

Salmow 102:14

Rag dha wesyon a gemmer plesour yn hy meyn, hag a gemmer truedh a'y doust.

Salmow 111:5

Ev re ros sosten dhe'n re a'n own; ev a berth kov a'y gevambos bynitha.

Salmow 132:15

Hy boes yn tevri a vennigav; dh'y boghosogyon y rov bara lowr.

Salmow 145:15

Dewlagas pub den a wayt warnas, ha ty a re dhedha aga boes y'n prys gwiw.

Salmow 146:7

neb a wra gwirvreus rag an re arweskys, neb a re boes dhe'n re nownek. An Arloedh a dhelirv prisnoryon dhe wari;

Salmow 147:14

Ev a wra kres y'th oryon; ev a'th lenow a waneth a'n gwella.

Eksodus 3:16

Ke dhe guntell war-barth henavogyon Ysrael ha leverel dhedha, “An Arloedh, Duw agas tasow, Duw Abraham, Ysak ha Yakob re omdhiskwedhas dhymm, ow leverel: My re viras warnowgh ha'n pyth a veu gwrys dhywgh yn Ejyp;

Eksodus 4:31

Ha'n bobel a grysis; ha pan glewsons an Arloedh dhe wul vri a vebyon Ysrael ha gweles aga galar, i a omblegyas ha gordhya.

Lavarow Koth 30:8

Gorr pell dhiworthiv falsuri ha gow, na ro dhymmo vy naneyl boghosogneth na rychys; mag vy gans an boes anodho ma'm beus edhomm,

Ysay 55:10

Rag par dell goedh an glaw ha'n ergh dhiworth an nev, ha ny dhehwelons di bys may towrhahons an dor, ow kul dhodho doen yn-mes hag egina, ow ri has dhe'n gonador, ha bara dhe'n dybrer,

Yeremia 29:10

Rag yndellma y lever an Arloedh: Pan vydh kowlwrys deg blydhen ha tri-ugens yn Babylon, my a'gas visit, ha kewera ow ger da dhywgh ha'gas dri arta dhe'n tyller ma.

Yoel 2:19

An Arloedh a worthybis ha leverel dh'y bobel, Awotta, my a dhannvon dhywgh ys ha gwin hag oyl, ha lenwys vydhowgh gansa: ha nevra namoy ny rov dhywgh disenor yn mysk an kenedhlow.

Sefania 2:7

Ha'n arvor a vydh rag remenant chi Yuda; i a wra aga greow dhe beuri warnodho: yn chiow Ashkelon i a wrowedh gorthugherweyth; rag an Arloedh, aga Duw, a wra aga visitya, ha treylya aga hethneth.

Matthew 6:11

Ro dhyn ni hedhyw agan bara pub-dydhyek;

Luk 1:68

‘Benniges re bo an Arloedh, Duw Ysrael; rag ev re dheuth dhe weles y bobel ha'ga dasprena,

Luk 19:44

i a'th terr dhe'n dor, ha'th fleghes ynnos, ha ny asons men war ven ynnos, rag ny aswonnsys termyn dha visitasyon.’

1 Timothi 6:8

Mes mars eus genen boes ha dillas, kontentys vydhyn gans an re ma.

1 Peder 2:12

Bedhes da agas bewedh yn mysk an Jentilys; ena kyn kewsons er agas pynn avel drogoberoryon, y hyllons gordhya Duw yn dydh y dhevedhyans, pan welons agas gwriansow da.

Ruth 1:5

Ha Mahlon ha Kilyon, aga dew, a verwis ynwedh, hag omdhivesys o an venyn a'y mebyon ha'y gour.

Ruth 1:7

Ha hi a asas an tyller mayth esa hi, ha'y diw wohydh gensi, ha mos dhe dhehweles dhe bow Yuda.

1 Samuel 2:21

Ha'n Arloedh a visityas Hanna; hi a omdhuk ha dineythi tri mab ha diw vyrgh. Ha'n maw Samuel a devis yn lok an Arloedh.