Ruth 1:5 - An Bibel Kernewek 20234 (Kernewek Kemmyn)

⁵ Ha Mahlon ha Kilyon, aga dew, a verwis ynwedh, hag omdhivesys o an venyn a'y mebyon ha'y gour.

Ruth 1:5 Iomraidhean Croise

Ysay 49:21

Ena ty a lever y'th kolonn, ‘Piw re dhineythis an re ma ragov? My re gollas ow fleghes, hag anvap en, divres ha gorrys dhe-ves; ytho piw re vagas an re ma? Otta, gesys veuv ow honan. An re ma, a-ble teuthons?’

Yeremia 2:19

Dha dhrogedh dha honan a'th keredh, ha'th weythresow dislel a'th chasti: godhvydh ytho ha gweles y vos drog ha hwerow, ty dhe eskasa an Arloedh dha Dhuw, ha ma nag eus ow own ynnos, yn-medh an Arloedh, Duw an luyow.

Luk 7:12

Ha pan dheuth nes dhe yet an sita, awotta den re varwsa neb eses orth y dhoen yn-mes, an unn vab a'y vamm, ha hi gwedhwes, hag yth esa routh veur a'n sita gensi.

Dewteronomi 32:39

Gwelewgh lemmyn, my, my yw ev, ha nyns eus duw marnas vy. My a ladh, ha my a vewha; my a vrew ha my a yaghha, ha nyns eus nagonan a yll delivra dhiworth ow leuv.

Ruth 1:2

Hanow an gour o Elimelek, ha hanow y wreg o Naomi, ha'y dhew vab o Mahlon ha Kilyon, a deylu Efratha yn Bethlehem-yuda; hag i a dheuth yn tiredh Moab ha gortos ena.

Ruth 1:4

Ha'n vebyon a dhemmedhis benynes a Moab; hanow an eyl o Orpa ha hanow hy ben o Ruth, hag yth esens trigys ena a-dro dhe dheg blydhen.

Ruth 1:6

Ha hi a sevis ha dehweles a diredh Moab, ha'y gohydhow gensi, drefenn hi dhe glewes yn tiredh Moab an Arloedh dhe wul vri a'y bobel, ow ri dhedha bara.