Ruth 1:17 - An Bibel Kernewek 20234 (Kernewek Kemmyn)

¹⁷ Plepynag y ferwi y farwav, hag ena y fydhav ynkleudhys; hemma re wrello an Arloedh dhymm ha moy yn ta, mar kwra travyth saw ankow y honan gul dibarth yntra ty ha my.’

Ruth 1:17 Iomraidhean Croise

2 Samuel 15:21

Mes Ittay a worthybis dhe'n myghtern, ha leverel, ‘Dell vew an Arloedh, ha dell vew ow arloedh an myghtern, plepynag may fo an myghtern, kyn fo yn mernans po yn bewnans, ena ynwedh y fydh dha was.’

2 Samuel 19:13

Ha leverewgh dhe Amasa, “A nyns osta ow askorn ha'm hig? Re wrello Duw dhymm, ha moy ynwedh, mar ny vydhydh kaslewydh ow lu a-ragov prest yn le Yoab.” ’

2 Samuel 3:35

Ena oll an bobel a dheuth dhe wul dhe Davydh dybri boes pan o hwath dydh; mes Davydh a dos, ha leverel, ‘Yndella re wrello Duw dhymm, ha moy ynwedh, mar plasav bara po neppyth arall kyns an howl dhe sedhi!’

2 Samuel 3:9

Re wrello Duw yndella dhe Abner, ha moy ynwedh. Rag kepar dell dos an Arloedh dhe Davydh, an keth henna my a wra ragdho,

1 Myghternedh 13:31

Wosa ev dh'y ynkleudhyas, ev a leveris dh'y vebyon, ‘Pan vydhav marow, ynkleudhyewgh vy y'n bedh may ma ynkleudhys gour Duw; gorrewgh ow eskern ryb y eskern ev.

1 Myghternedh 19:2

Ena Yezebel a dhannvonas kannas dhe Elias, ow leverel, ‘Yndellma re wrello an duwow dhymm, ha moy keffrys, mar ny wrav dha vewnans avel bewnans onan anedha erbynn an termyn ma a-vorow.’

1 Myghternedh 2:23

Ena myghtern Solomon a dos re'n Arloedh, ow leverel, ‘Re wrello Duw dhymm yndella ha moy ynwedh, mar ny gewsis Adoniya an ger ma erbynn y vewnans y honan.

1 Myghternedh 20:10

Ben-hadad a dhannvonas dhodho ha leverel, ‘Re wrello an duwow yndellma dhymm, ha moy keffrys, mars eus doust lowr gesys yn Samaria dhe ri dornas dhe bubonan a'n bobel a'm siw.’

2 Myghternedh 6:31

Hag ev a leveris, ‘Re wrello Duw yndella dhymm ha moy ynwedh, mar pes penn Elisha mab Shafat war y dhiwskoedh hedhyw.’

Salmow 45:10

Klew, A vyrgh, ha gwel, ha pleg dha skovarn; hag ankov dha bobel ha chi dha das,

Oberow 11:23

Pan dheuth ha gweles gras Duw ev a lowenhas, hag ev a ynnias war bubonan anedha bos lel dhe'n Arloedh, furv aga holonn,

Oberow 20:24

Mes ny akontyav ow bewnans a vri vyth dhymmo vy, unnweyth a kallen kowlwul ow resegva, ha'n menystrans a dhegemmeris dhiworth an Arloedh Yesu, rag doen dustuni dhe'n aweyl a ras Duw.

Ruth 1:16

Hag yn-medh Ruth, ‘Na bled genev dha asa, dhe dreylya dhiworth dha lergh, rag plepynag yth ylli, yth av; ha plepynag yth osti, yth ostyav; dha bobel a vydh ow fobel ha dha Dhuw a vydh ow Duw.

Ruth 4:15

Ev a wra dhe'th enev dasvewa, ha dha sostena y'th kothni, drefenn dha wohydh neb a'th kar dhe wul y dhineythi. Gwell yw hi ragos ages seyth mab.’

1 Samuel 14:44

Ha Sowl a worthybis, ‘Re wrello Duw yndella dhymm ha moy ynwedh; ty a verow yn sur, Yonathan.’

1 Samuel 20:13

Mes mar mynn ev gul drog dhis, re wrello an Arloedh yndella dhe Yonathan, ha moy ynwedh, mar ny'n deriv dhis, ha dha dhannvon dhe-ves, may hyllydh mones yn sawder. Re bo an Arloedh genes, kepar dell re beu gans ow thas.

1 Samuel 25:22

Re wrello Duw yndella ha moy ynwedh dhe eskerens Davydh mar kasav a oll a bew ev bys yn golow myttin kemmys hag unn gour neb a bis erbynn fos.’

1 Samuel 3:17

Yn-medh ev, ‘Pandr'yw an pyth a leveris an Arloedh dhis? My a'th pys na gudh ev a-dhiworthiv. Re wrello Duw yndella dhis ha moy ynwedh, mar kudhydh neppyth a-dhiworthiv a oll an taklow a leveris ev dhis.’