Ruth 1:13 - An Bibel Kernewek 20234 (Kernewek Kemmyn)

¹³ a wrussewgh hwi aga gortos bys pan vons i tevesik? A wrussewgh hwi agas omwitha a-ji, heb kavoes gour? Na, ow myrghes, rag pur hwerow yw dhymm a-barth dhywgh, bos leuv an Arloedh ystynnys er ow fynn.’

Ruth 1:13 Iomraidhean Croise

Jenesis 38:11

Ena yn-medh Yuda dhe Tamar y wohydh. ‘Gorta avel gwedhwes yn chi dha das erna dheffo ow mab Shela dhe oes.’ Rag ev a leveris, ‘Ma na varwo ev ynwedh, dell verwis y vreder.’ Ytho Tamar eth, ha hi a drigas yn chi hy thas.

Job 19:21

Kemmerewgh pita orthiv, kemmerewgh pita orthiv, hwi ow howetha; rag leuv Duw re'm tochyas.

Salmow 32:4

Rag dydhweyth ha nosweyth poes o dha leuv warnav; ow sugen o treylys kepar hag yn syghor hav. Sela.

Salmow 38:2

Rag dha sethow re'm dewanas, ha'th leuv re dheuth yn-nans warnav.

Dewteronomi 2:15

Ynwedh leuv an Arloedh o er aga fynn, dh'aga leun dhistrui dhiworth an kamp, bys pan ellons dhe goll.

Breusysi 2:15

Peskweyth may kerdhens yn-mes, leuv an Arloedh o er aga fynn a-barth droktra kepar dell lavarsa an Arloedh ha kepar dell dos ev ti; hag yth esens yn tebel studh.

Ruth 1:12

Treylyewgh, ow myrghes, kewgh, rag re goth ov vy dhe gavoes gour. Mar lavarren bos govenek dhymm yndella, ha bos gans gour haneth, ha dineythi mebyon,

Ruth 1:14

Mes i a dhrehevis yn-bann aga lev, hag oela dagrow a-nowydh, hag Orpa a ammas dh'y hweger, mes Ruth a's byrlas yn tynn.

Ruth 1:21

My eth dhe-ves leun, ha gwag re wrug an Arloedh ow daskorr; prag y'm gelwewgh Naomi, ha Duw re dhustunias er ow fynn ha'n Ollgalloesek re wrug drog dhymm?’

1 Samuel 5:11

Ytho i a dhannvonas ha kuntell war-barth oll gwahalyethow an Filistysi, ha leverel, ‘Dannvenewgh dhe-ves argh Duw Ysrael ha gas hi dhe dhehweles dh'y le hy honan, ma na wrello agan ladha ni, na'gan pobel.’ Rag yth esa skruth marwel y'n sita oll. Ha leuv Duw o fest poes ena;