Ruth 1:11 - An Bibel Kernewek 20234 (Kernewek Kemmyn)

¹¹ Hag yn-medh Naomi, ‘Treylyewgh, ow myrghes, prag y fynnowgh mos genev? Eus mebyon dhymm y'm torr may fens i gwer dhywgh hwi?

Ruth 1:11 Iomraidhean Croise

Jenesis 38:11

Ena yn-medh Yuda dhe Tamar y wohydh. ‘Gorta avel gwedhwes yn chi dha das erna dheffo ow mab Shela dhe oes.’ Rag ev a leveris, ‘Ma na varwo ev ynwedh, dell verwis y vreder.’ Ytho Tamar eth, ha hi a drigas yn chi hy thas.

Jenesis 38:9

Mes Onan a wodhya na vedha an has y has ev, ytho pan eth a-bervedh dhe wreg y vroder ev a skoellyas y has dhe'n leur, ma na rolla has dh'y vroder.

Dewteronomi 25:5

Mars eus breder trigys war-barth, hag onan anedha a verow ha nyns eus dhodho mab, na dhemmedhes gwreg an marow a-ves dhe'n teylu dhe wour estren; broder hy gour a dheu a-bervedh dhedhi ha'y hemmeres ragdho y honan avel gwreg ha gul y dhever dhedha avel broder dre lagha.

Ruth 1:10

Hag yn-medhons i dhedhi, ‘Yn sur ni a vynn dehweles genes dhe'th pobel jy.’

Ruth 1:12

Treylyewgh, ow myrghes, kewgh, rag re goth ov vy dhe gavoes gour. Mar lavarren bos govenek dhymm yndella, ha bos gans gour haneth, ha dineythi mebyon,