Ruth 1:1 - An Bibel Kernewek 20234 (Kernewek Kemmyn)

¹ Ha dell hwarva yn dydhyow rewl an vreusysi, yth esa divoetter y'n tir, ha gour a Bethlehem-yuda eth dhe wodriga yn tiredh Moab, ev ha'y wreg ha'y dhew vab.

Ruth 1:1 Iomraidhean Croise

Jenesis 12:10

Mes yth esa divoetter y'n pow; ytho Abram eth yn-nans dhe Ejyp dhe driga ena, rag bos an divoetter poes y'n pow.

Jenesis 26:1

Yth esa divoetter arall y'n pow, dres an kynsa divoetter re hwarva yn dydhyow Abraham, hag yth eth Ysak dhe Abimelek myghtern an Filistysi, bys yn Gerar.

Jenesis 43:1

Tynn o an divoetter y'n pow.

2 Samuel 21:1

Lemmyn yth esa divoetter yn dydhyow Davydh teyr blydhen, blydhen wosa blydhen; ytho Davydh a hwilas fas an Arloedh. Ha'n Arloedh a worthybis, ‘Yth yw drefenn Sowl, ha'y ji goesek, rag ev dhe worra an Gibeonysi dhe'n mernans.’

1 Myghternedh 18:2

Ytho Elias eth hag omdhiskwedhes dhe Ahab. An divoetter o sevur yn Samaria.

1 Kroniklys 2:51

Salma tas Bethlehem, ha Haref tas Beth-gader.

1 Kroniklys 2:54

Mebyon Salma: Bethlehem, an Netofathysi, Atroth-beth-yoab ha hanter an Manahathysi, an Sorysi.

Salmow 105:16

Hag ev a elwis esow war an tir, ha terri pub lorgh a vara.

Salmow 107:34

Ev a wra dhe dir leun a frut bos difeythtir, drefenn sherewneth an re usi trigys ynno.

Yeremia 14:1

Ger an Arloedh a dheuth dhe Yeremia a-dro dhe'n syghor:

Ezekiel 14:13

Mab den, pan wra pow pegha er ow fynn ow pos dislel, ha my a ystynn ow leuv er y bynn ha terri y lorgh bara, ha dannvon ynno divoetter, ha treghi dhe-ves dhiworto den ha best;

Ezekiel 14:21

Rag yndellma y lever an Arloedh Duw: Pygemmys moy y fydh pan dhannvonav erbynn Yerusalem ow feder tebel vreus; kledha, divoetter, drog woedhviles, ha plag, dhe dreghi dhiworti den ha best!

Levitikus 26:19

Ha my a derr goeth agas nerth, ha my a wra agas nev avel horn ha'gas dor avel brons.

Amos 4:6

Mes my a ros dhywgh glanythter a dhyns yn agas sitys oll ha fowt a vara yn agas tylleryow oll, ha ny dhehwelsowgh dhymm, yn-medh an Arloedh.

Mika 5:2

Ha ty, Bethlehem Efratha, byghan kynth os yn mysk teyluyow Yuda, yn-mes ahanas y teu dhymm nebonan a vydh rewler yn Ysrael, may feu y dhalleth a'n termyn koth, a dhydhyow pell tremenys.

Dewteronomi 28:38

Ty a dheg yn-mes dhe'n gwel meur a has ha kuntell boghes, drefenn an lokust dh'y dhevorya.

Breusysi 12:8

War y lergh Ibsan a Bethlehem a vreusi Ysrael.

Breusysi 17:7

Lemmyn yth esa gour yowynk a Bethlehem yn Yuda, a gordh Yuda. Levyas o, trigys ena.

Breusysi 17:8

An gour ma a asas an dre Bethlehem yn Yuda rag triga yn py le pynag may hallo kavoes tyller. Pan esa ow vyajya, ev a dheuth dhe ji Mika yn bro venydhyek Efraym.