Romanyon 1:3 - An Bibel Kernewek 20234 (Kernewek Kemmyn)

³ a-dro dh'y Vab devedhys a has Davydh war-lergh an kig

Romanyon 1:3 Iomraidhean Croise

Jenesis 3:15

Ha my a worr avi yntra jy ha'n venyn, hag yntra dha has jy ha'y has hi. Ev a vrew dha benn ha ty a vrew y seudhel.’

Salmow 2:7

My a dheriv ordenans an Arloedh; ev a leveris dhymm, ‘Ty yw ow mab, hedhyw my re'th tineythis.

Yeremia 33:26

ena my a dhenaghsa has Yakob, ha Davydh ow gwas, ma na dhewisav nagonan a'y has avel rewloryon war has Abraham, Ysak ha Yakob. Rag my a dreyl aga hethneth, ha kemmeres truedh anedha.

Amos 9:11

Y'n jydh na my a dhrehav skovva Davydh yw koedhys ha keas hy aswaow, ha daswul hy magoryow, ha'y drehevel kepar hag y'n dydhyow koth;

Matthew 1:1

Lyver linyeth Yesu Krist mab Davydh mab Abraham.

Matthew 1:16

ha Yakob a dhineythis Yosep gour Maria, may feu gensi dineythys Yesu, yw gelwys Krist.

Matthew 1:6

ha Yesse a dhineythis Davydh an myghtern. Ha Davydh a dhineythis Solomon a wreg Urri,

Matthew 12:23

Ha marth bras a'n jevo oll an routhow, hag yn-medhons, ‘A allsa hemma martesen bos mab Davydh?’

Matthew 15:22

Hag awotta, benyn gananek a dheuth a'n oryon na ha garma, ‘Arloedh, mab Davydh, kemmer truedh ahanav; ow myrgh re beu dalghennys yn trog gans dyowl.’

Matthew 26:63

Mes Yesu a dewis. Hag yn-medh an arghoferyas dhodho, ‘My a wra dha gonjorya re'n Duw bew dhe leverel dhyn mars osta an Krist, Mab Duw.’

Matthew 27:43

ev a fydhyas yn Duw, re'n deliffro lemmyn mara'n mynn; rag ev a leveris, “My yw Mab Duw.” ’

Matthew 3:17

hag awotta lev yn-mes a'n nevow ow leverel, ‘Hemm yw ow Mab karadow, mayth usi ynno ow delit.’

Matthew 9:27

Ha pan esa Yesu owth omdenna alena, dew dhen dhall a'n siwyas ow karma ha leverel, ‘Kemmer truedh ahanan, ty vab Davydh.’

Luk 1:35

Ha'n el a worthybis dhedhi, ‘An Spyrys Sans a dheu warnas, ha nerth an Ughella a'th worskeus; rakhenna an flogh a vydh genys a vydh gelwys Mab Duw.

Luk 1:69

ha drehevel korn a selwyans ragon yn chi Davydh y was;

Yowann 1:14

Ha'n Ger a veu gwrys kig hag a drigas yn agan mysk, ha ni a welas y wolewder, golewder avel dhe'n unn Vab dineythys a'n Tas, leun a ras hag a wirder.

Yowann 1:34

Ha my a welas hag a dhustunias hemma dhe vos Mab Duw.’

Yowann 1:49

Nathanael a worthybis dhodho, ‘Rabbi, ty yw Mab Duw, ty yw Myghtern Ysrael.’

Yowann 10:30

My ha'm Tas yw onan.’

Yowann 10:36

a yllowgh leverel anodho ev neb a wrug an Tas y sakra ha'y dhannvon y'n bys, “Ty a lever blasfemi”, rag my dhe leverel, “Mab Duw ov vy”?

Yowann 20:28

Tommas a worthybis, ha leverel dhodho, ‘Ow Arloedh, ha'm Duw!’

Yowann 20:31

Mes an re ma yw skrifys rag may kryssowgh Yesu dhe vos an Krist, Mab Duw, hag ow krysi may fo dhywgh bewnans yn y hanow ev.

Yowann 5:25

‘Yn hwir, yn hwir y lavarav dhywgh, an eur a dheu, ha lemmyn yth yw, pan glew an re varow lev Mab Duw, ha neb a glew, bewa a wrons.

Yowann 7:42

A ny lever an skryptor, Krist dhe dhos a has Davydh, hag a Bethlehem, an dre mayth esa Davydh?’

Oberow 2:30

Rakhenna, ow pos profoes hag ow kodhvos y tos Duw dhodho y hwre ev settya frut y dhiwglun war y se,

Oberow 3:13

Duw Abraham, Ysak ha Yakob, Duw agan tasow, a ros golewder dh'y was Yesu, neb a dhaskorrsowgh ha nagha dherag Pilat pan ervirys o y livra.

Oberow 8:36

Hag i ow mos der an fordh, i a dheuth dhe dhowr, hag yn-medh an spadhesik, ‘Otta dowr; pandra'm lett rag bos besydhys?’

Oberow 9:20

hag a-dhistowgh ev a bregowthas Yesu y'n synagys, y vos Mab Duw.

Romanyon 1:9

Rag Duw yw ow dustunier, mayth esov orth y servya gans ow spyrys yn aweyl y Vab, fatell y'gas kampoellav heb hedhi,

Romanyon 4:1

Pandr'a leveryn ytho y hwrug Abraham y gavoes, agan hendas war-lergh an kig?

Romanyon 9:3

Rag y'm bia bodh my ow honan dhe vos milliges ha diberthys dhiworth Krist rag ow breder, ow herens a-barth an kig.

Romanyon 9:5

dhedha yth yw an ugheldasow hag a'ga eghenn, war-lergh an kig, yw Krist usi a-ugh oll, Duw benniges bys vykken. Amen.

1 Korinthianys 1:9

Lel yw Duw; ganso ev hwi a veu gelwys a-bervedh yn kowethyans y Vab ev, Yesu Krist agan Arloedh.

1 Korinthianys 10:18

Mirewgh orth usadow Ysrael: a nyns yw an re a dheber an sakrifisow kevrennoryon a'n alter?

Galatianys 4:4

mes pan dheuth keweras an oes, Duw a dhellos y Vab, genys a venyn, genys yn-dann lagha,

1 Thessalonianys 1:10

ha dhe wortos y Vab dhiworth an nevow a dhrehevis dhiworth an re varow, Yesu, neb a'gan delivras dhiworth an sorr ow tos.

1 Timothi 2:5

Rag yma unn Duw hag unn mayn yntra Duw ha mab-den, an den Krist Yesu,

1 Timothi 3:16

Res yw avowa, meur, dhe wir, yw an kevrin a sansoleth: Diskwedhys veu y'n kig, prevys ewn y'n Spyrys, gwelys gans eledh, pregewthys ynter an Jentilys, krysys y'n bys, kemmerys yn-bann yn splannder.

2 Timothi 2:8

Porth kov a Yesu Krist drehevys dhiworth an re varow, a has Davydh, war-lergh ow aweyl,

1 Yowann 1:3

an pyth re welsyn ha re glewsyn a dherivyn orthowgh ynwedh, rag ma'gas bo kowethyans genen: hag yn hwir yma agan kowethyans ni gans an Tas ha gans y Vab, Yesu Krist.

1 Yowann 3:23

Ha hemm yw y worhemmynn, may kryssyn yn hanow y Vab Yesu Krist, ha may kyrryn an eyl y gila, dell ros gorhemmynn dhyn.

1 Yowann 3:8

Neb a begh, a'n jowl yma; rag an jowl a begh a-dhia'n dalleth. Dhe'n porpos ma y feu diskwedhys Mab Duw, rag may tistrua oberow an jowl.

1 Yowann 4:15

Piwpynag a gonfessyo Yesu dhe vos Mab Duw, Duw a drig ynno, hag ev a drig yn Duw.

1 Yowann 5:1

Pub huni a grys Yesu dhe vos an Krist yw genys a Dhuw; ha pub huni a gar dineythor a gar ynwedh an flogh dineythys ganso.

1 Yowann 5:20

Ha ni a woer re dheuth Mab Duw ha re ros dhyn konvedhes, dhe aswonn neb yw gwiryon; hag yth eson ynno ev yw gwiryon, yn y Vab Yesu Krist. Hemm yw an gwir Dhuw ha bewnans heb diwedh.

1 Yowann 5:5

Piw yw ev a feth an bys saw neb a grys Yesu dhe vos Mab Duw?

2 Yowann 1:7

Rag toelloryon bals re entras y'n bys, na gonfessyons Yesu Krist dhe vos devedhys y'n kig. Hemm yw an toeller ha'n Antekrist.

Diskwedhyans 2:18

‘Ha dhe el an eglos yn Thyatira skrif: An taklow ma a lever Mab Duw a'n jeves dewlagas kepar ha flamm a dan, ha treys kepar ha brest fin: