Oberow 9:21 - An Bibel Kernewek 20234 (Kernewek Kemmyn)

²¹ Pubonan oll neb a'n klewas a's tevo marth, hag yn-medhons i, ‘A nyns yw hemma an gour re dhistruis an re na yn Yerusalem neb a gri war an hanow ma? Ha deuva omma rakhemma, ma's dokko i yn kelmys a-dherag an bennoferysi.’

Oberow 9:21 Iomraidhean Croise

Salmow 51:13

Ena y tyskav dha fordhow dhe'n dhrogoberoryon, ha peghadoryon a dhehwel dhis.

Salmow 71:7

My re dheuth ha bos marthus dhe lies huni, mes ty yw ow skovva grev.

Ysay 8:18

Awotta, my ha'n fleghes a wrug an Arloedh aga ri dhymm yw toknys ha marthusyon yn Ysrael dhiworth Arloedh an luyow usi trigys yn menydh Sion.

Zekaria 3:8

Goslow, a Yoshua an arghoferyas, ty ha'th keskowetha owth esedha a-ragos, rag tokyn yns i, my dhe dhri ow gwas, an Skorrenn.

Niverow 23:23

Rag nyns eus dewinieth erbynn Yakob, na koel erbynn Ysrael. Lemmyn y fydh leverys a Yakob, hag a Ysrael, “Pandr'a wrug Duw!”

Oberow 2:12

Ha marth o gansa i oll, ha sowdhenys ens, ow leverel an eyl dh'y gila, ‘Pyth yw an styr a hemma?’

Oberow 2:6

ha pan hwarva an tros ma, an routh a dheuth war-barth, ha penndegys ens drefenn pub huni dh'aga klewes ow kewsel yn y yeth y honan.

Oberow 3:10

hag i a'n aswonnis avel an den o esedhys ryb Porth Fethus an tempel rag alusen, ha lenwys vons a varth ha sowdhan drefenn an pyth a hwarvia dhodho.

Oberow 4:13

Pan welsons kolonnekter Peder ha Yowann, ha konvedhes aga bos tus dhidhysk ha leg, yth esa marth dhedha, hag i a aswonnis y fiens gans Yesu,

Oberow 7:59

Hag i ow labydha Stefan, ev a elwis war Dhuw, ow leverel, ‘Arloedh Yesu, degemmer ow spyrys’,

Oberow 8:3

Mes yth esa Sowl ow ravna an eglos; hag owth entra yn chi wosa chi, ev a dhraylya dhe-ves ha gwer ha benynes ha'ga gorra yn prison.

Oberow 9:22

Mes Sowl a veu lenwys moy ha moy a nerth, hag ev a worras yn deray an Yedhewon esa trigys yn Damaskus, ow previ bos hemma an Krist.

2 Thessalonianys 1:10

pan dheffo y'n jydh na dhe vos glorifiys yn y syns ha ri marth dhe oll an re a grys, rag bos krysys agan dustuni dhywgh hwi.

1 Yowann 3:1

Otta, py par kerensa re ros an Tas dhyn, bys ma'gan henwir fleghes Duw. Ytho ny'gan aswonn an bys drefenn na'n aswonni ev.